ବୌଦ୍ଧ:ଦୁଇ ଦିନିଆ ଜିଲ୍ଲା ଗସ୍ତ ସାରି ଫେରିଛନ୍ତି ବିଧାନସଭା ସଦାଚାର କମିଟିର ସଦସ୍ୟ । ଜିଲ୍ଲାର ଐତିହ୍ୟପୂର୍ଣ୍ଣ ସ୍ଥାନ ବୁଲି ଦେଖିବା ସହିତ ଉଭୟ ପ୍ରଶାସନିକ କର୍ମଚାରୀ ଓ ଜନ ପ୍ରତିନିଧିଙ୍କ ମଧ୍ୟରେ ସୁସମ୍ପର୍କ ଅଧିକ ତ୍ବରାନ୍ବିତ ପାଇଁ କମିଟି ପ୍ରସ୍ତାବ ଦେଇଥିଲେ ।
ବୌଦ୍ଧ ଜିଲ୍ଲାର ଐତିହ୍ୟପୂର୍ଣ୍ଣ ସ୍ଥାନ ପରିଦର୍ଶନ କରି ଫେରିଲା ବିଧାନସଭା ସଦାଚାର କମିଟି
ବରିଷ୍ଠ ବିଧାୟକ ଅମର ପ୍ରସାଦ ଶତପଥୀଙ୍କ ନେତୃତ୍ବରେ ୭ଜଣିଆ ବିଧାୟକ ସଦସ୍ୟ ଶନିବାର ଓ ରବିବାର ବୌଦ୍ଧ ଜିଲ୍ଲାର ବିଭିନ୍ନ ଐତିହସ୍ଥଳୀ ପରିଦର୍ଶନ କରିଥିଲେ । କମିଟିର ସଦସ୍ୟମାନେ ବୌଦ୍ଧର ଜିଲ୍ଲା ସଂଗ୍ରହାଳୟ ସମେତ ରାମେଶ୍ବର ମନ୍ଦିର ସମୂହ, ବୁଦ୍ଧ ପ୍ରତିମା, ଶ୍ୟାମସୁନ୍ଦରପୁର ଓ ପରଗଳପୁରର ବୌଦ୍ଧ ଧର୍ମର ପ୍ରତ୍ନତାତ୍ତ୍ବିକ ଅବଶେଷ ତଥା ବିଶ୍ବ ପ୍ରସିଦ୍ଧ ଗନ୍ଧରାଡିର ହରିହର ମନ୍ଦିର ବୁଲି ଦେଖିବା ସହ ଏଭଳି ଐତିହ୍ୟସମ୍ପନ୍ନ ସ୍ଥାନକୁ ଦେଖି ବିମୋହିତ ହୋଇଥିଲେ ।