ବୌଦ୍ଧ: ଜିଲ୍ଲାର ବିଭିନ୍ନ ଜଙ୍ଗଲରେ ବନ୍ୟପ୍ରାଣୀ ଅସୁରକ୍ଷିତ ହୋଇପଡିଛନ୍ତି । ବୌଦ୍ଧ ଜିଲ୍ଲାର ପାଞ୍ଚଟି ବନାଞ୍ଚଳର ବିଭିନ୍ନ ଜଙ୍ଗଲରେ ଅବାଧରେ ଚାଲିଛି ବନ୍ୟଜନ୍ତୁଙ୍କ ଶିକାର । କେତେବେଳେ ଦାନ୍ତ ପାଇଁ ଦନ୍ତାହାତୀର ଶିକାର କରାଯାଉଛି ତ ପୁଣି କେତେବେଳେ ନଖ, ଛାଲ, ଦାନ୍ତ ଭଳି ବନ୍ୟଜନ୍ତୁଙ୍କ ବିଭିନ୍ନ ସାମଗ୍ରୀ ପାଇଁ ବାଘ, ଭାଲୁର ଶିକାର କରାଯାଉଛି । ସେପଟେ ବନ ବିଭାଗର ଭୂମିକା କିନ୍ତୁ ସନ୍ଦେହଜନକ ରହିଛି ।
ଜଙ୍ଗଲରେ ଦଶଦିନ ହେଲା ମଲାଣି ଭାଲୁ, ବିଭାଗ ନିକଟରେ ଖବର ନାହିଁ
ଗତ ପ୍ରାୟ ଦଶ ଦିନ ହେଲା ବୌଦ୍ଧ ବନାଞ୍ଚଳର ବଘିଆପଡା ସେକ୍ସନ ଅଞ୍ଚଳରେ ଏକ ବିରାଟ ଭାଲୁର ମୃତ ଶରୀର ପଡିରହିଥିଲେ ମଧ୍ୟ ବନବିଭାଗ ନିକଟରେ କୌଣସି ଖୋଜ ଖବର ନାହିଁ । ଫଳରେ ମୃତ ଭାଲୁକୁ କୁକୁର, ବିଲୁଆ ଝୁଣି ଖାଇଦେଇଛନ୍ତି । ବୌଦ୍ଧ ବନଖଣ୍ଡ ଅଧିନରେ ଲଗାତାର ଏଭଳି ଘଟଣା ଘଟୁଥିଲେ ମଧ୍ୟ ଜଙ୍ଗଲ ବିଭାଗର ଉଦାସୀନତା ବର୍ତ୍ତମାନ ସବୁଠାରୁ ବଡ ପ୍ରଶ୍ନବାଚୀ ସୃଷ୍ଟି କରିଛି ।