ନୂଆ ବର୍ଷ ପାଇଁ ସକ୍ରିୟ ଶିକାରୀ, ଅବାଧରେ ଚାଲିଛି ବନ୍ୟପ୍ରାଣୀ ଶିକାର

ବୌଦ୍ଧ ଜିଲ୍ଲାର କୁଶଙ୍ଗଠାରେ ଥିବା ମହାନଦୀ ଅଭୟାରଣ୍ୟ ସୀମା ସଂଲଗ୍ନ ମହାଲିକପଡା, ତଳଗାଁ ଓ କୁଶଙ୍ଗ ପଞ୍ଚାୟତର କିଛି ଜଙ୍ଗଲ ଅଞ୍ଚଳରେ ବନ୍ୟପ୍ରାଣୀ ଶିକାରୀ ସକ୍ରିୟ ହୋଇ ଉଠିଥିବା ହୋଇଛି ଅଭିଯୋଗ । ଅଧିକ ପଢନ୍ତୁ

ବୌଦ୍ଧ: ବିପଦରେ ବନ୍ୟଜନ୍ତୁ(wildlife in danger) । ନୂଆ ବର୍ଷରେ ଭୋଜିଭାତ ପାଇଁ ସକ୍ରିୟ ବନ୍ୟପ୍ରାଣୀ ଶିକାରୀ(wildlife hunter) । ବୌଦ୍ଧ ଜିଲ୍ଲାର କୁଶଙ୍ଗଠାରେ ଥିବା ମହାନଦୀ ଅଭୟାରଣ୍ୟ ସୀମା ସଂଲଗ୍ନ ମହାଲିକପଡା, ତଳଗାଁ ଓ କୁଶଙ୍ଗ ପଞ୍ଚାୟତର କିଛି ଜଙ୍ଗଲ ଅଞ୍ଚଳରେ ବନ୍ୟପ୍ରାଣୀ ଶିକାରୀ ସକ୍ରିୟ ହୋଇ ଉଠିଥିବା ଅଭିଯୋଗ ହୋଇଛି । କେତେକ ସ୍ଥାନରେ ଭୋଜିଭାତ ପାଇଁ ଏହି ବନ୍ୟଜନ୍ତୁଙ୍କ ଶୀକାର ହେଉଥିବା ସୂଚନା ମିଳିଛି ।

ଜିଲ୍ଲାର ମାଧପୁର ବନାଞ୍ଚଳର ତଳଗାଁ ସେକ୍ସନରେ ବିଗତ ଦିନରେ ହୋଇଥିବା ଦନ୍ତାହାତୀ ଶିକାର ଘଟଣା ସାରା ରାଜ୍ୟରେ ଚର୍ଚ୍ଚାର ବିଷୟ ହୋଇଥିବା ବେଳେ ଏହି ଅଞ୍ଚଳରେ ପ୍ରାୟ ସମୟରେ କୁଟୁରା,ସମ୍ବର,ବାରହା ଭଳି ଜନ୍ତୁଙ୍କ ଅବାଧରେ ଶିକାର ହେଉଥିବା ଅଭିଯୋଗ ହୋଇଛି । ଏପଟେ ଏଥିରେ ଜଙ୍ଗଲ କର୍ମଚାରୀଙ୍କ ଭୂମିକା ମଧ୍ୟ ସନ୍ଦେହ ଜନକ ରହୁଛି । ତୁରନ୍ତ ଏଦିଗରେ ବିହିତ ପଦକ୍ଷେପ ଗ୍ରହଣ ପାଇଁ ସ୍ଥାନୀୟ ନିର୍ବାଚିତ ଜନପ୍ରତିନିଧି ଦାବି କରିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ