ବୌଦ୍ଧ: ମହାନଦୀ ଗର୍ଭରୁ ଅଜଣା ତଥା ଅର୍ଦ୍ଧଦଗ୍ଧ ମୃତଦେହ ଉଦ୍ଧାର । ସୂଚନା ମୁତାବକ, ମଙ୍ଗଳବାର ଠାରୁ ବୌଦ୍ଧ ଜିଲ୍ଲା ସଦର ମହକୁମା ହନୁମାନ ଘାଟ ଠାରେ ଏକ ଅଜଣା ଅର୍ଦ୍ଧଦଗ୍ଧ ମୃତ ଶରୀର ଭାସୁଥିଲା । ତେବେ ଏହା କୌଣସି ହତ୍ୟାକାଣ୍ଡ ନା ଆଉ କିଛି, ସେନେଇ କିଛି ସ୍ପଷ୍ଟ ସୂଚନା ମିଳିପାରି ନାହିଁ ।
ସେପଟେ ଦୀର୍ଘ ସମୟ ଧରି ଏହି ମୃତ ଶରୀର ବୌଦ୍ଧର ଏକ ପ୍ରମୁଖ ପର୍ଯ୍ୟଟନ ସ୍ଥଳୀ ହନୁମାନ ଘାଟ ନିକଟରେ ପଡିରହିଥିଲେ ମଧ୍ୟ କେହି ଟେର ପାଇନଥିଲେ । ଫଳରେ ଅଜଣା ମୃତଦେହକୁ କାଉ ଓ କୁକୁର ଖାଇଯାଇ କେବଳ ନର କଙ୍କାଳଟି ପଡ଼ି ରହିଥିଲା । ତେବେ ଆଜି ବୌଦ୍ଧ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ନର କଙ୍କାଳ ଉଦ୍ଧାର କରି ବୁର୍ଲା ଡାକ୍ତରଖାନାକୁ ଡିଏନଏ ଟେଷ୍ଟ ପାଇଁ ପଠାଇଛି ଏବଂ ଅଧିକ ସୂଚନା ପାଇଁ ତଦନ୍ତ ଆରମ୍ଭ କରିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
