ବୌଦ୍ଧ: ପୁଣି ସାମ୍ନାକୁ ଆସିଲା ଅନ୍ଧାରୀମୂଲକ ଅନ୍ଧ ଶାସନର ଆଉ ଏକ ନଗ୍ନ ଚିତ୍ର । ଘର ଭାଙ୍ଗିବା ପରେ ଦୁଇ ପରିବାରକୁ ଗାଁରୁ କଲେ ବାସନ୍ଦ । ଏଭଳି ଘଟଣା ଘଟିଛି ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ବରଗୋଛା ଗ୍ରାମରେ । ସୂଚନା ମୁତାବକ ଗ୍ରାମର ଦୁଇଟି ପରିବାର ଶତାଧିକ ବର୍ଷ ପୂର୍ବରୁ ଉକ୍ତ ସ୍ଥାନରେ ପଟ୍ଟା ପାଇ ରହିଆସୁଥିଲେ । କିନ୍ତୁ ପରବର୍ତ୍ତୀ ସମୟରେ ସେମାନଙ୍କ ଜମି ସରକାରୀ ଖାତାକୁ ଚାଲିଯାଇଥିଲା ।
ଅନ୍ଧ ଶାସନର ନଗ୍ନ ଚିତ୍ର, ଘର ଭାଙ୍ଗି ଦୁଇ ପରିବାରକୁ ଗାଁରୁ କଲେ ବାସନ୍ଦ
ତେବେ ସରକାରୀ ଯୋଜନାରେ ଏହି ଦୁଇ ପରିବାରକୁ ଉକ୍ତ ଡିହରେ ଦୁଇଟି ସରକାରୀ ଆବାସ ଗୃହ ମିଳିଥିଲା । ହେଲେ ବର୍ତ୍ତମାନ ଉକ୍ତ ସ୍ଥାନରେ ଏକ କୁଞ୍ଜଘର ନିର୍ମାଣ ହେବ ତଥା ତାହା ସରକାରୀ ଜାଗା ଦର୍ଶାଇ ଜଣେ ରାଜନୈତିକ ବ୍ୟକ୍ତି ବିଶେଷଙ୍କ ପ୍ରରୋଚନାରେ ଏକ ଗୋଷ୍ଠୀ ଉକ୍ତ ଦୁଇ ପରିବାରଙ୍କ ଘର ଭାଙ୍ଗି ଦେଇଥିବା ଅଭିଯୋଗ ହୋଇଛି । ଏହି ଦୁଇ ପରିବାର ଏହାର ପ୍ରତିବାଦ କରିବାରୁ ସେମାନଙ୍କୁ ଗାଁରେ ନିଆଁପାଣି ବନ୍ଦ କରିବା ସହିତ ସାମାଜିକ ବାସନ୍ଦ କରାଯାଇଥିବା ଦୁଇ ପରିବାର ଅଭିଯୋଗ କରିଛନ୍ତି।