ଭଦ୍ରକ: ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ବୈତରଣୀ ନଦୀରେ ବଢୁଛି ଜଳସ୍ତର। ଆଖୁଆପଦା ନିକଟ ବୈତରଣୀ ନଦୀର ବିପଦ ସଙ୍କେତ 17.83 ମିଟର ରହିଥିବାବେଳେ ଦିନ 11ଟା ସୁଦ୍ଧା 17.70 ମିଟରରେ ଜଳ ପ୍ରବାହିତ ହେଉଛି । ଉପର ମୁଣ୍ଡରେ ପ୍ରବଳ ବର୍ଷା ଯୋଗୁଁ ବୈତରଣୀର ଜଳ ସ୍ତର କ୍ରମାଗତ ଭାବେ ବଢିବାରେ ଲାଗିଛି । ନଦୀର ଉପର ମୁଣ୍ଡ କେନ୍ଦୁଝର ଜିଲ୍ଲାର ଚମ୍ପୁଆରେ 72.06 ମିମି, ସୋମପାଟଣା 48.08, ଆନନ୍ଦପୁର 94.02 ମିମି, ଠାକୁରମୁଣ୍ଡା 71.0, କେନ୍ଦୁଝର 52.08 ମିମି ଓ ଭଦ୍ରକର ଆଖୁଆପଦା ଠାରେ 156 ମିମି ବର୍ଷା ହୋଇଥିବା ରେକର୍ଡ କରାଯାଇଛି ।
ବୈତରଣୀ ନଦୀରେ ବଢୁଛି ଜଳସ୍ତର, ସଜାଗ ପ୍ରଶାସନ
ଫଳରେ ଏହି ବର୍ଷା ଜଳ ବର୍ତ୍ତମାନ ନଦୀରେ ପ୍ରବାହିତ ହେଉଥିବାରୁ ନଦୀର ଜଳସ୍ତର ବଢିବାରେ ଲାଗିଛି । ବୈତରଣୀର ସ୍ଥିତି କିପରି ରହିଛି ଏହାକୁ ଅନୁଧ୍ୟାନ କରିବା ପାଇଁ ଆଖୁଆପଦା ଯାଇଥିଲେ ଭଦ୍ରକ ଜିଲ୍ଲାପାଳ, ଜଳ ସମ୍ପଦ ନିର୍ବାହୀ ଯନ୍ତ୍ରୀ, ଭଣ୍ଡାରିପୋଖରୀ ବିଡ଼ିଓ, ତହସିଲଦାର ପ୍ରମୁଖ ପ୍ରଶାସନିକ ଅଧିକାରୀ। ସେଠାରେ ପରିସ୍ଥିତି ଉପରେ ଆଲୋଚନା କରିଛନ୍ତି ।