ଭଦ୍ରକ: ନିର୍ବାଚନୀ ପର୍ବରେ ଦଳ ଅଦଳବଦଳ ନସରୁଣୁ ମୁଣ୍ଡ ଟେକିଛି ଟିକେଟ ବିବାଦ । କିଏ ଟିକେଟ ମିଳିବାରୁ ଖୁସିରେ ଅଣାୟତ୍ତ ହୋଇଉଠୁଛି ତ କିଏ ପୁଣି ଟିକେଟ ନ ମିଳିବାରୁ ହିଂସାରେ ଦଳ ଛାଡୁଛି । ଭଦ୍ରକ ବିଧାନସଭା ନିର୍ବାଚନୀ ମଣ୍ଡଳୀରେ ମଧ୍ୟ ଦେଖିବାକୁ ମିଳିଛି କିଛି ଏଭଳି ଦୃଶ୍ୟ । ବିଜୁ ଜନତା ଦଳ ପକ୍ଷରୁ ପ୍ରାର୍ଥୀ ତାଲିକା ଘୋଷଣା ହେବା ପରେ ଟିକେଟ ନମିଳିବାରୁ ବିଧାୟକ ଯୁଗଳ କିଶୋର ପଟ୍ଟନାୟକ ଓ ଆଶାୟୀ ଥିବା ପୁଅ ଅସିତ୍ ପଟ୍ଟନାୟକ ଅସନ୍ତୋଷ ଜାହିର କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ବିଜେଡି ପକ୍ଷରୁ ଚଳିତ ଥର ସଞ୍ଜୀବ ମଲ୍ଲିକଙ୍କୁ ଟିକେଟ ମିଳିଥିବାବେଳେ ଏନେଇ ଖୁସି ଜାହିର କରିଛନ୍ତି ଦଳୀୟ କର୍ମୀ । ହେଲେ ଟିକେଟ ନ ମିଳିବାରୁ ଅସନ୍ତୋଷ ପ୍ରକାଶ କରିବା ସହ ସଞ୍ଜୀବଙ୍କ ଟିକେଟ କାଟିବା ପାଇଁ ଚକ୍ରାନ୍ତ ଆରମ୍ଭ କରିଛନ୍ତି ଯୁଗଳ ଓ ଅସିତ୍ । ଯାହାର ଜବାବରେ ଏହି ଚକ୍ରାନ୍ତ କେବେ ସଫଳ ହେବ ନାହିଁ ବୋଲି କହିଛନ୍ତି ବିଜେଡି କର୍ମୀ ।