ମା’କୁ ମାରି ବିଲରେ ଫିଙ୍ଗିଦେଲା ପୁଅ

ଭଦ୍ରକ କାସିମପୁର ଅଞ୍ଚଳରେ ଜଘନ୍ୟ ହତ୍ୟାକାଣ୍ଡ । ମା’କୁ ମାରି ବିଲରେ ଫିଙ୍ଗି ଦେଲା ପୁଅ । ନିଖୋଜର 2 ଦିନ ପରେ ମୃତଦେହ ଉଦ୍ଧାର ହୋଇଥିବା ବେଳେ ଅଭିଯୁକ୍ତକୁ ଅଟକ ରଖିଛି ପୋଲିସ ।

ଭଦ୍ରକ: ଜଘନ୍ୟ ହତ୍ୟାକାଣ୍ଡ । ନିଜ ଜନ୍ମ କଲା ମା’ କୁ ହତ୍ୟା କଲା ପୁଅ । ଏମିତି ଏକ ଅଭାବନୀୟ ଘଟଣା ଘଟିଛି ଭଦ୍ରକ ଧୂସୁରି ଥାନା ଅନ୍ତର୍ଗତ କାସିମପୁର ଅଞ୍ଚଳରେ ।

କାସିମପୁର ଅଞ୍ଚଳର ମାତାଜି ଜେନା ଗତ 29 ତାରିଖ ରୁ ନିଖୋଜ ଥିଲେ। ସେହି ଦିନ ପୁଅ ନିରଞ୍ଜନ ସହିତ ମା ମାତାଜିଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ତେବେ ମାତାଜି ଜେନା ନିଖୋଜ ଥିବା ନେଇ ତାଙ୍କ ସ୍ଵାମୀ ଅନାଦି ଜେନା ଧୂସୁରି ଥାନା ରେ ଏକ ଅଭିଯୋଗ କରିଥିଲେ।

ପରେ ପୁଲିସ ପକ୍ଷରୁ ଏନେଇ ତଦନ୍ତ ଆରମ୍ଭ ହୋଇଥିଲା। ଶେଷରେ ମାତାଜିଙ୍କ ମୃତଦେହ କାସିମପୁର ପାଟ ମଝିରେ ଥିବା ବିଲରୁ ପୋଲିସ ଜବତ କରିଥିଲା । ଏହାସହ ପୁଅ ନିରଞ୍ଜନ, ମାତାଜି ଙ୍କୁ ହତ୍ୟା କରିଥିବା ନେଇ ପୋଲିସ ସୁରାକ ପାଇଥିଲା। ଏନେଇ ନିରଞ୍ଜନକୁ ଥାନାରେ ଅଟକ ରଖି ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି। ତେବେ ପୋଲିସ ପକ୍ଷରୁ ଏନେଇ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ