ଭଦ୍ରକ: ପୁଣି ଭଦ୍ରକରେ ନାଗ ଆତଙ୍କ। କିଛି ଦିନ ତଳେ ଧାମନଗର ଅଞ୍ଚଳରେ ନାଗ ବାହାରିବା ଘଟଣା ଲୋକେ ଏଯାଏ ଭୁଲି ନଥିବା ବେଳେ ଏବେ ପୁଣି ଭଦ୍ରକରେ ନାଗ ଉଦ୍ଧାର ଖବର ସମ୍ନାକୁ ଆସିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ଭଦ୍ରକ ଗ୍ରାମାଞ୍ଚଳ ଥାନା ନିକଟ ହାତିସାହି ଗ୍ରାମର ସୁରେଶ ରାଉତ ନିଜ ଶୋଇବା ଘରେ ନାଗ ଛୁଆ ବୁଲୁ ଥିବାର ଦେଖିବା ପରେ ଭୟଭୀତ ହୋଇପଡିଥିଲେ । ପରେ ଭଦ୍ରକ ସ୍ନେକ ହେଲ୍ପ ଲାଇନ ସଦସ୍ୟ ସେକ ମିର୍ଜ଼ାଙ୍କୁ ସୂଚନା ଦେଇଥିଲେ। ଘଟଣାସ୍ଥଳରେ ସେକ ମିର୍ଜା ପହଞ୍ଚି ସୁରେଶଙ୍କ ଶୋଇବା ଘର ଭିତରୁ 45ଟି ନାଗ ଛୁଆଙ୍କୁ ଉଦ୍ଧାର କରିଥିବା ବେଳେ ଦୁଇଟି ବଡ ନାଗୁଣୀଙ୍କୁ ମଧ୍ୟ ଉଦ୍ଧାର କରିଛନ୍ତି ।