ଭଦ୍ରକ: ହସଖୁସିର ମାହୋଲରେ ଦୁଃଖଦ ଘଟଣା । ଶଳା ବାହାଘର ପ୍ରୋସେସନରେ ଯିବା ସମୟରେ ସଡକ ଦୁର୍ଘଟଣା। ଏହି ଦୁର୍ଘଟଣାରେ ଦୁଇ ଭିଣୋଇଙ୍କ ଶୋଚନୀୟ ମୃତ୍ୟୁ ହୋଇଛି । ଏଭଳି ଅଭାବନୀୟ ଘଟଣା ଘଟିଛି ତିହିଡି ଥାନା ଗୋଳାପୋଖରୀ ଛକରେ।
ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ତିହିଡି ଥାନା ଗୋଳାପୋଖରୀ ଛକରେ ଝିଅ ଘର ଲୋକେ ପ୍ରୋସେସନ ବାହାରିବା ପାଇଁ ଦୁଇ ଭିଣୋଇ ଠିଆ ହୋଇଥିଲେ। ଏହି ସମୟରେ ବିପରୀତ ଦିଗରୁ ଏକ ବୋଲେରୋ ଗାଡି ଆସି ସେମାନଙ୍କୁ ଧକ୍କା ଦେଇଥିଲା। ତୁରନ୍ତ ସେମାନଙ୍କୁ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା। ହେଲେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ।
ଭିଡିଓ ସୌଜନ୍ୟ: ସମ୍ବାଦଦାତା ଭଦ୍ରକ