ଭଦ୍ରକ:ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଭଦ୍ରକ ଗସ୍ତ କରିଛନ୍ତି । ଏହି ଅବସରରେ ମନ୍ତ୍ରୀ ବିଭିନ୍ନ ସ୍କୁଲ ପରିଦର୍ଶନ କରି ଶେଷରେ ଜିଲ୍ଲାପାଳଙ୍କ ବୈଠକରେ ଜିଲ୍ଲାର ଶିକ୍ଷା ବ୍ୟବସ୍ଥା ଓ ଶିକ୍ଷା ଭିତ୍ତିଭୂମି ଉପରେ ସମୀକ୍ଷା ବୈଠକ କରିଛନ୍ତି । ଏଥିରେ ଭଦ୍ରକ ସାଂସଦ ଓ ଜିଲ୍ଲାର ସମସ୍ତ ବିଧାୟକ, ଜିଲ୍ଲାପାଳ, ଜିଲ୍ଲା ଶିକ୍ଷାଧିକାରୀ ଉପସ୍ଥିତ ଅଛନ୍ତି ।
ଗଣଶିକ୍ଷା ମନ୍ତ୍ରୀଙ୍କ ଭଦ୍ରକ ଗସ୍ତ, ଜିଲ୍ଲା ଶିକ୍ଷା ବ୍ୟବସ୍ଥାର କଲେ ସମୀକ୍ଷା ବିଶେଷକରି ଆଦର୍ଶ ବିଦ୍ୟାଳୟ ଘର ନିର୍ମାଣର ଅଗ୍ରଗତି, ହଷ୍ଟେଲ ବ୍ୟବସ୍ଥା, ବାଳିକା ଶିକ୍ଷା, ବାଳିକାଙ୍କ ଆତ୍ମରକ୍ଷା ପ୍ରଶିକ୍ଷଣ, ମୋ ସ୍କୁଲ ଅଭିଯାନ, ପାଠ୍ୟ ପୁସ୍ତକ ଏବଂ ପୋଷାକ ବିତରଣ ଆଦି ଉପରେ ବିସ୍ତୃତ ଭାବେ ସମୀକ୍ଷା କରାଯାଇଥିବା ଜଣାପଡିଛି । ଏଥିସହ କିପରି ନବନିର୍ମିତ ଆଦର୍ଶ ବିଦ୍ୟାଳୟର କାମ ଯଥାଶୀଘ୍ର ଶେଷ ହେବ, ସେନେଇ ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗକୁ ମନ୍ତ୍ରୀ ସମୀର ରଞ୍ଜନ ଦାଶ ନିର୍ଦ୍ଦେଶ ଦେଇଥିବା ସୂଚନା ମିଳିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
