ବିଜୟ ପରେ ଭଦ୍ରକ ବିଧାୟକ ସଞ୍ଜୀବ ମଲ୍ଲିକଙ୍କ ପ୍ରତିକ୍ରିୟା

ଭଦ୍ରକ ବିଧାନସଭା ନିର୍ବାଚନ ମଣ୍ଡଳୀରେ ବିଜୟ ପରେ ପ୍ରତିକ୍ରିୟା ରଖିଲେ ବିଜେଡି ପ୍ରାର୍ଥୀ ସଞ୍ଜୀବ ମଲ୍ଲିକ । କହିଲେ ବିଜୟ କେବଳ ମୋର ନୁହେଁ

ଭଦ୍ରକ: ଭଣ୍ଡାରିପୋଖରୀ ସହ ଭଦ୍ରକ ବିଧାନସଭା ନିର୍ବାଚନ ମଣ୍ଡଳୀରେ ମଧ୍ୟ ଦେଖା ଦେଇଛି ବିଜେଡିର ଦବଦବା । ବିଜେଡି ପ୍ରାର୍ଥୀ ସଞ୍ଜୀବ ମଲ୍ଲିକ ବିଜୟୀ ହୋଇଛନ୍ତି । ବିଜୟ ପାଇଁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇବା ସହ ଏହା ଭଦ୍ରକବାସୀଙ୍କ ବିଜୟ ବୋଲି କହିଛନ୍ତି ସଞ୍ଜୀବ । ତାଙ୍କ ବିଜୟ ପରେ ବିଜେଡି କର୍ମୀଙ୍କ ମହଲରେ ବେଶ୍ ଉତ୍ସାହ ଦେଖା ଦେଇଥିଲା ।

ତେବେ ନିର୍ବାଚନ ପୂର୍ବରୁ ଭଦ୍ରକକୁ ଏକ ମଡେଲ ଟାଉନରେ ପରିଣତ କରିବା ନେଇ ପ୍ରତିଶୃତି ଦେଇଥିଲେ ସଞ୍ଜୀବ । ଏବେ ମଧ୍ୟ ସେ ତାଙ୍କ କଥାରେ ଅଟଳ ରହିଛନ୍ତି । ଭଦ୍ରକକୁ ଏକ ମଡେଲ ଟାଉନରେ ପରିଣତ କରିବା ସହ ପ୍ରତ୍ୟେକ ଗ୍ରାମ ପଞ୍ଚାୟତକୁ ଏକ ଆଦର୍ଶ ଗ୍ରାମରେ ପରିଣତ କରିବେ ବୋଲି ସେ କହିଛନ୍ତି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ