ଭଦ୍ରକ : ରାଜ୍ୟରେ ନିର୍ବାଚନ ସମୟରେ ବିଭିନ୍ନ ସ୍ଥାନରେ ରାଜନୈତିକ ହିଂସା ଘଟଣା ସାମ୍ନାକୁ ଆସିଛି । ଭଦ୍ରକ ଜିଲ୍ଲା ବ୍ଲକ ଅଧ୍ୟକ୍ଷା ନିର୍ବାଚନ ଫଳ ଘୋଷଣା ପରେ ତିହିଡି ବଜାରରେ ଉତ୍ତେଜନା ପ୍ରକାଶ ପାଇଛି । ପୋଲିସ ଘଟଣାର ତଦନ୍ତ ଜାରି ରଖିଛି ।
ଖବର ଅନୁଯାୟୀ ତିହିଡି ସଦର ବଜାରରେ ଥିବା ଏକ ଦୋକାନର କାଚ କବାଟ ଭାଙ୍ଗି ବଳପୂର୍ବକ ପଶିବା ସହିତ ଦୋକାନ ମାଲିକଙ୍କୁ ମାରଧର କରି ଅଶ୍ଳୀଳ ଭାଷାରେ ଗାଳିଗୁଲଜ କରାଯାଇଥିଲା । ଏହି ସମୟରେ ପୋଲିସ ଓ ବଜାର ଲୋକେ ପହଞ୍ଚି ଯିବାରୁ ଯୁବକମାନେ ସ୍ଥାନ ଛାଡି ପଳେଇ ଯାଇଥିଲେ । ତେବେ ରାଜନୈତିକ ଆକ୍ରୋଶରୁ ଏପରି ଆକ୍ରମଣ ଓ ଭଙ୍ଗାରୁଜା ହୋଇଥିବା ନେଇ ଦୋକାନୀ ଥାନାରେ ଏତଲା ଦେଇଥିବା ଜଣାପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ