ଭଦ୍ରକ: ପୁଣି ଖାକିର ତାକତ ଦେଖାଇଛି ପୋଲିସ । ଭଦ୍ରକ ଜିଲ୍ଲା ଅନ୍ତର୍ଗତ ବାବା ଆଖଣ୍ଡଳମଣି ପୀଠରେ ସେବାୟତଙ୍କୁ ମାଡ ମାରିଛି ପୋଲିସ । ଏହାର ପ୍ରତିବାଦରେ ସେବାୟତଙ୍କ ପକ୍ଷରୁ ସେବା ପୂଜା ବନ୍ଦ ପରେ ଅଭିଯୁକ୍ତ କନେଷ୍ଟବଲଙ୍କୁ ଅନ୍ୟତ୍ର ବଦଳି କରିବା ପରେ ସ୍ଥିତି ସାମାନ୍ୟ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା ଦେବାଶିଷ ମହାପାତ୍ର
ସୂଚନା ଅନୁଯାୟୀ ସୋମବାର ଦିନ ଭଦ୍ରକ ଜିଲ୍ଲାର ପ୍ରସିଦ୍ଧ ଶୈବପୀଠ ଆଖଣ୍ଡଳମଣି ପୀଠରେ ଦୈନନ୍ଦିନ ନୀତିକାନ୍ତି ସହ ଗଣେଶ ପୂଜା ପାଇଁ ପୂଜାର୍ଚ୍ଚନା ଚାଲିଥିଲା । ଏହି ସମୟରେ ସାମାନ୍ୟ କଥାକୁ କେନ୍ଦ୍ରକରି ମନ୍ଦିର ମଧ୍ୟରେ ସଞ୍ଜୟ ପଣ୍ଡା ନାମକ ଜଣେ ସେବାୟତଙ୍କୁ ଆରଡ଼ି ଫାଣ୍ଡିର କାର୍ଯ୍ୟରତ କନେଷ୍ଟବଲ ମୋହନ ପୁହାଣ ମାଡ ମାରିଥିଲେ । ଏହାର ପ୍ରତିବାଦରେ ସେବାୟତଙ୍କ ପକ୍ଷରୁ ସମ୍ପୃକ୍ତ କନେଷ୍ଟବଲଙ୍କୁ ନିଲମ୍ବନ ଦାବୀ ନେଇ ମନ୍ଦିର ନୀତିକାନ୍ତି ବନ୍ଦ କରିଥିଲେ ।