ଭଦ୍ରକ: ମଧୁର ଜଳରେ ମୁକ୍ତାଚାଷ ଏକ ଅଭିନବ ପ୍ରୟାସ । ଭଦ୍ରକ ଜିଲାର ମଧୁର ଜଳରେ ଏବେ ମୁକ୍ତା ଚାଷ ଆରମ୍ଭ କରାଯାଇଛି । ଏହା ଏକ ଲାଭଜନକ ଚାଷ ହୋଇଥିବାବେଳେ ଭଦ୍ରକବାସୀଙ୍କ ଏଥିପ୍ରତି ଆଗ୍ରହ ବଢୁଛି । ଏଠାକାର ପାଖାପାଖି 20 ଜଣ ଚାଷୀ ଏହି ଚାଷ ପ୍ରତି ମନ ବଳାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦତା, ଭଦ୍ରକ
ମୁକ୍ତା କେବଳ ସମୁଦ୍ରରୁ ନୁହେଁ, ପୋଖରୀରୁ ମଧ୍ୟ ଉତ୍ପାଦନ କରିବା ସମ୍ଭବ ହୋଇଛି । ଭଦ୍ରକ ବ୍ଲକର କଲେଇ ପଞ୍ଚାୟତ ବଳଭଦ୍ରପୁରରେ ଏହି ଚାଷ ଆରମ୍ଭ ହୋଇଛି । ମଧୁର ଜଳରେ ଶାମୁକା ଚାଷ କରି ଭଦ୍ରକର ଏହି ଚାଷୀମାନେ ଆଜି ସ୍ବାବଲମ୍ବୀ ହୋଇ ପାରିଛନ୍ତି । ଦୀର୍ଘ 2ବର୍ଷ ହେବ ଏହି ଚାଷ ପ୍ରତି ସ୍ଥାନୀୟ ଲୋକେ ଆଗ୍ରହ ପ୍ରକାଶ କରିଥିବା ବେଳେ ଏଥିପାଇଁ ଆବଶ୍ୟକ ଟ୍ରେନିଂ ମଧ୍ୟ ଦିଆଯାଉଛି । ଏହା ଦ୍ବାରା ଧିରେଧିରେ ଏହି ଚାଷ ପ୍ରତି ବେକାର ଯୁବକ ଓ ଯୁବତୀ ଆଗ୍ରହ ପ୍ରକାଶ କରୁଛନ୍ତି ।