ଭଦ୍ରକ:ଜିଲ୍ଲା ପୋଲିସ କବଜାରେ ପଡିଛନ୍ତି ବ୍ରାଉନ ସୁଗାର ମାଫିଆ । ଜିଲ୍ଲାରୁ ୧ କୋଟିରୁ ଅଧିକ ମୂଲ୍ୟର ବ୍ରାଉନ ସୁଗାରକୁ ଜବତ କରାଯାଇଛି । ଏହି ନିଶାଦ୍ରବ୍ୟ ଜଳେଶ୍ବରରୁ ଚାଲାଣ ହେଉଥିଲା । ଘଟଣାରେ ୪ ଜଣଙ୍କୁ ଗିରଫ କରିଛି ପୋଲିସ ।
୧ କୋଟିରୁ ଊର୍ଦ୍ଧ୍ବ ମୂଲ୍ୟର ବ୍ରାଉନ ସୁଗାର ଜବତ
ଜବତ ହୋଇଥିବା ଏହି ବ୍ରାଉନସୁଗାରର ଓଜନ ୧ କିଲୋ ୯୦ ଗ୍ରାମ ହୋଇଥିବା ବେଳେ ବ୍ରାଉନସୁଗାରର ମୂଲ୍ୟ 1 କୋଟିରୁ ଅଧିକ ଟଙ୍କା ବୋଲି ଜଣାପଡିଛି । ଜଳେଶ୍ବରର ବ୍ରାଉନସୁଗାର ମାଫିଆ ଚାଚିର ଭାଇ ଓ ମୋଷ୍ଟ ୱାଣ୍ଟେଡ଼ ଏସକେ ଅସଗରର ଶ୍ୱଶୁର ଏସକେ ଅବଦୁଲ ହମିଦ ମଧ୍ୟ ଗିରଫ ହୋଇଛନ୍ତି । ଘଟଣାରେ ମୋଟ ୪ ଜଣଙ୍କୁ ଗିରଫ କରିଛି ପୋଲିସ । ଭଦ୍ରକ ଜିଲ୍ଲା ଗ୍ରାମାଞ୍ଚଳ ପୋଲିସକୁ ଏହି ବଡ ସଫଳତା ମିଳିଛି । ଏହି ନିଶାଦ୍ରବ୍ୟଗୁଡିକ ଅଟୋରେ ଭଦ୍ରକ ଆଣୁଥିବା ବେଳେ 16 ନମ୍ବର ଜାତୀୟ ରାଜପଥର ଚରମ୍ପା ନିକଟସ୍ଥ ଧାମରା ରେଳ ଓଭରବ୍ରିଜ ନିକଟରେ ଗ୍ରାମାଞ୍ଚଳ ପୋଲିସ ଏହାକୁ ଜବତ କରିଛି ।