ଗ୍ରାହକ ସାଜି ସୁନାଚେନ ଲୁଟିଲେ ଲୁଟେରା

ଗ୍ରାହକ ସାଜି ସୁନାଚେନ ଲୁଟିଲେ ଲୁଟେରା । ଭଦ୍ରକର ଏକ ଗହଣା ଦୋକାନରେ ଘଟିଛି ଘଟଣା । ସିସିଟିଭି ଫୁଟେଜରୁ ଲୁଟେରା ଚିହ୍ନଟ । ଅଧିକ ପଢ଼ନ୍ତୁ...

ଭଦ୍ରକ: ରାଜ୍ୟରେ ମାତିଛନ୍ତି ଲୁଟେରା । ଗ୍ରାହକ ସାଜି ଗହଣା ଦୋକାନ ଲୁଟିଥିବା ଖବର ସାମ୍ନାକୁ ଆସିଛି । ଜିଲ୍ଲାର ବନ୍ତ ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି । ବନ୍ତ ଅଞ୍ଚଳର ସାଇ ଜ୍ବେଲର୍ସ ନାମକ ଗହଣା ଦୋକାନରୁ ସୁନା ଚେନ ଲୁଟ ହୋଇଥିବା ଅଭିଯୋଗ ହୋଇଛି।

ସୂଚନା ଅନୁଯାୟୀ ବନ୍ତ ବଜାରସ୍ଥିତ ସାଇ ଜ୍ବେଲର୍ସରୁ ଜଣେ ଲୁଟେରା ଗ୍ରାହକ ସାଜି ସୁନାଚେନ ଲୁଟି ନେଇଛି। ଉକ୍ତ ଲୁଟେରାକୁ ସିସିଟିଭି ଫୁଟେଜ ଆଧାରରେ ଚିହ୍ନଟ କରାଯାଇଛି। ଏହାପରେ ସାଇ ଜ୍ବେଲର୍ସର ମାଲିକ ବନ୍ତ ଥାନାରେ ଏକ ଲିଖିତ ଅଭିଯୋଗ କରିଥିବା ଜଣାପଡିଛି। ଅଭିଯୋଗ ପାଇବା ପରେ ବନ୍ତ ପୋଲିସ ତଦନ୍ତ ଆରମ୍ଭ କରିଛି। କିନ୍ତୁ ବର୍ତ୍ତମାନ ସୁଦ୍ଧା ଲୁଟେରାର କୌଣସି ସନ୍ଧାନ ମିଳିନଥିବା ଜଣାପଡିଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ