ଭଦ୍ରକ: ଶେଷ ହେଲା ଭଦ୍ରକର ପ୍ରସିଦ୍ଧ କାଳୀପୂଜା । ପୂର୍ବରୁ ୧୦ ଦିନ ଧରି ପାଳିତ ହେଉଥିବା କାଳୀପୂଜା କୋରୋନା କଟକଣା ଯୋଗୁଁ ଏଥର 3 ଦିନରେ ଶେଷ ହୋଇଛି । ଭଦ୍ରକ ସହରରେ ବିଭିନ୍ନ ମଣ୍ଡପରେ ପୂଜା ପାଉଥିବା ମା' କାଳୀଙ୍କୁ ରବିବାର ମେଲାଣି ଦିଆଯାଇଛି । ପ୍ରଶାସନର ନିୟମ ଅନୁଯାୟୀ ପୂଜା କମିଟିଗୁଡ଼ିକ ମା'ଙ୍କୁ ବିସର୍ଜନ କରିଛନ୍ତି । ସୀମିତ ସଂଖ୍ୟକ କର୍ମକର୍ତ୍ତାଙ୍କୁ ନେଇ ଭସାଣ ଉତ୍ସବ ଆୟୋଜିତ ହୋଇଛି ।
ଭଦ୍ରକରେ ଭକ୍ତଙ୍କ ଗହଣରୁ ମେଲାଣି ନେଲେ ମା' କାଳୀ
ବିଧି ରକ୍ଷା ପାଇଁ ପାରମ୍ପରିକ ବାଦ୍ୟ ବଜାଇ ମା' କାଳୀଙ୍କୁ ପ୍ରଶାସନ ଦ୍ୱାରା ତିଆରି ହୋଇଥିବା ଅସ୍ଥାୟୀ ପୋଖରୀରେ ବିସର୍ଜନ କରାଯାଇଛି। ମୋଟ ୧୧ ମେଢ଼ ମଧ୍ୟରୁ ଶନିବାର ଦୁଇଟି ମେଢ଼ ବିସର୍ଜନ ହୋଇଥିଲା । ରବିବାର ଡଗରା ସାହି ମଣ୍ଡପ, ପାଟଣା ସାହି ମଣ୍ଡପ, ସ୍କୁଲ ରୋଡ ମଣ୍ଡପ, ଏରେଇଁ ବାସନ୍ତୀ ଦୁର୍ଗା କାଳୀ ମଣ୍ଡପ, ଏରେଇଁ ପଞ୍ଚାୟତ ଅଫିସ୍ କାଳୀ ମଣ୍ଡପ, OCRTC ବସଷ୍ଟାଣ୍ଡ କାଳୀ ମଣ୍ଡପ, ବିଷାଣି ଖରଦା ଆଦି ସମସ୍ତ ୯ଟି ମେଢ଼ ବିସର୍ଜନ ହୋଇଛି ।