ଭଦ୍ରକ: ରାଜ୍ୟରେ କାୟା ବିସ୍ତାର କରି ଚାଲିଛି କୋରୋନା ସଂକ୍ରମଣ । ପ୍ରତିଦିନ ରାଜ୍ୟରୁ 15 ପାଖାପାଖି କୋରୋନା ଆକ୍ରାନ୍ତ ଚିହ୍ନଟ ହେଉଥିବାବେଳେ ପ୍ରତି ଜିଲ୍ଲାରୁ ମଧ୍ୟ ସାମ୍ନାକୁ ଆସୁଛି ପଜେଟିଭ କେସ । ଆଜି(ସୋମବାର) ଭଦ୍ରକ ଜିଲ୍ଲାରୁ 25 କୋରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ସେଥିରୁ 2ଜଣ କୋରୋନା ଯୋଦ୍ଧା ରହିଥିବା ଭଦ୍ରକ ଜିଲ୍ଲାପାଳ ଜ୍ଞାନ ଦାସ ଟ୍ବିଟ କରି ସୂଚନା ଦେଇଛନ୍ତି ।
ତେବେ ଚିହ୍ନଟ 25 ଜଣଙ୍କ ମଧ୍ୟରୁ 3 ଜଣ କ୍ବାରେନଣ୍ଟାଇନ ସେଣ୍ଟରରୁ ଓ 22 ଜଣ ସ୍ଥାନୀୟ ସଂକ୍ରମଣ ବୋଲି ଜଣାପଡିଛି। ଏହାସହ ଚିହ୍ନଟ ହୋଇଥିବା 2 ଜଣ କୋରୋନା ଯୋଦ୍ଧାଙ୍କ ମଧ୍ୟରେ ଜଣେ ସ୍ବାସ୍ଥ୍ୟକର୍ମୀ ଓ ପୋଲିସ କର୍ମୀ ରହିଛନ୍ତି । ଯାହାକି ଜିଲ୍ଲା ପ୍ରଶାସନ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି। ଅଦ୍ୟାବଧି ଜିଲ୍ଲାରୁ ମୋଟ 16,644 ଟି ନମୁନା ପରୀକ୍ଷା କରାଯାଇଥିବା ସୂଚନା ମିଳିଛି।