ଭଦ୍ରକରେ ମାଲବାହୀ ଟ୍ରେନ ଲାଇନଚ୍ୟୁତ

ଭଦ୍ରକ ଚରମ୍ପା ସ୍ଥିତ ଧାମରା ରେଳ ଓଭରବ୍ରିଜ ନିକଟରେ ଏକ ମାଲବାହୀ ଟ୍ରେନ ଲାଇନଚ୍ୟୁତ । କେହି ମୃତାହତ ହୋଇ ନଥିବା ସୂଚନା । ଅଧିକ ପଢନ୍ତୁ...

ଭଦ୍ରକ:ଲାଇନଚ୍ୟୁତ ହେଲା ମାଲବାହୀ ଟ୍ରେନ । ଭଦ୍ରକ ଚରମ୍ପା ସ୍ଥିତ ଧାମରା ରେଳ ଓଭରବ୍ରିଜ ନିକଟରେ ଟ୍ରେନଟି ଲାଇନଚ୍ୟୁତ ହୋଇଛି । ଏହାର 13ଟି ବଗି ଲାଇନଚ୍ୟୁତ ହୋଇଛି । ଖାଲି ଥିବା ଏହି ମାଲବାହୀ ଟ୍ରେନଟି ଧାମରା ଅଭିମୁଖେ ଯାଉଥିବା ସମୟରେ ଏଭଳି ଅଘଟଣ ଘଟିଛି । ଦୁର୍ଘଟଣାରେ କେହି ମୃତାହତ ହୋଇନଥିବା ସୂଚନା ମିଳିଛି ।

ଏହି ଦୁର୍ଘଟଣାଗ୍ରସ୍ଥ ଟ୍ରେନର 60ଟି ବଗି ଥିଲା । ଏଥିମଧ୍ୟରୁ 13ଟି ବଗି ଲାଇନଚ୍ୟୁତ ହୋଇଯାଇଛି । କାହାର ଜୀବନ ହାନି ହୋଇନଥିବାବେଳେ ବର୍ତ୍ତମାନ ରେଳବାଇର ଏକ ସ୍ୱତନ୍ତ୍ର ଟିମ୍ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି । ତେବେ ଏନେଇ ରେଳ ବିଭାଗ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇ ନାହିଁ ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ