ଗ୍ୟାସ ଟାଙ୍କି ଫାଟି 8 ବଖରା ଘର ଜଳି ପୋଡି ପାଉଁଶ

ଗ୍ୟାସ ଟାଙ୍କି ଫାଟି 8 ବଖରା ଘର ଜଳି ପୋଡି ପାଉଁଶ । ଭଦ୍ରକ ଜିଲ୍ଲା ତିହିଡି ପୀରହାଟ ପୁରୁଣା ବଜାର ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା। ଅଧିକ ପଢନ୍ତୁ...

ଭଦ୍ରକ: ଗ୍ୟାସ ଟାଙ୍କି ଫାଟି 8 ବଖରା ଘର ଜଳି ପୋଡି ପାଉଁଶ । ଭଦ୍ରକ ଜିଲ୍ଲା ତିହିଡି ପୀରହାଟ ପୁରୁଣା ବଜାର ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା।

ସୂଚନା ଅନୁଯାୟୀ, ରୋଷେଇ ଚାଲୁଥିବାବେଳେ ଗ୍ୟାସ ଟାଙ୍କି ଲିକ୍ ହୋଇ ନିଆଁ ଲାଗି ଫାଟିଥିଲା। ଫଳରେ ଚାଳ ଛପର ପ୍ରାୟ କୋଡିଏ ଫୁଟ ଉପରକୁ ଉଠି ଯାଇଥିଲା ବୋଲି ଜଣାପଡିଛି ।

ପରେ ଚାହୁଁ ଚାହୁଁ ନିମିଷକ ମଧ୍ୟରେ ନିଆଁ ଚାରିଆଡେ ବ୍ୟାପି ଯାଇଥିଲା। ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରୁଥିବାବେଳେ ଘଟଣାରେ ଜଣେ ପୁରୁଷ ଓ ଦୁଇ ଜଣ ମହିଳା ଆହତ ହୋଇଥିବା ସୂଚନା ମିଳିଛି । ଏହାଛଡା ଅଗ୍ନିକାଣ୍ଡରେ 8 ବଖରା ଘର ଜଳି ପୋଡି ପାଉଁଶ ହୋଇଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ