ଭଦ୍ରକ:ଅଗ୍ନିକାଣ୍ଡ ଯୋଗୁ ବିସ୍ଫୋରଣରେ ଖସି ପଡିଲା ଘରର ଛାତ । ଘର ମାଟିରେ ମିଶିବା ସହ ଚାଲିଗଲା ଜଣଙ୍କ ଜୀବନ । ମୃତକ ହେଲେ ଭଦ୍ରକ ଜିଲ୍ଲା ଚାନ୍ଦବାଲି ଥାନା ମତୋ ଦକ୍ଷିଣ ସାହି ଗାଁର ବିଷ୍ଣୁମୋହନ ସାହୁ ।
ସୂଚନା ମୁତାବକ, ବିଷ୍ଣୁ ମୋହନ ସାହୁଙ୍କ ଘରେ ଅଗ୍ନିକାଣ୍ଡ ଯୋଗୁ ଅଚାନକ ବିସ୍ଫୋରଣ ଘଟିଥିଲା । ବିସ୍ଫୋରଣ ଏତେ ଜୋରରେ ହୋଇଥିଲା ଯେ, କାନ୍ଥ ଓ ଛାତ ତଳକୁ ଗଳି ପଡିଥିଲା । ଏହି ଅଗ୍ନିକାଣ୍ଡରେ ପୋଡି ହୋଇ ଗୁରୁତର ହୋଇଥିବା ବିଷ୍ଣୁ ମୋହନଙ୍କୁ ତୁରନ୍ତ ଉଦ୍ଧାର କରି ପ୍ରଥମେ ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ କଟକକୁ ସ୍ଥାନାନ୍ତର କରାଯାଇଥିଲା । ତେବେ ବିଷ୍ଣୁ ମୋହନ ଜଣେ ବାଣ ବ୍ୟବସାୟୀ ହୋଇଥିବା ସୂଚନା ରହିଛି । ଘରେ ବାଣ ରଖିଥିବା ବେଳେ କୌଣସି କାରଣରୁ ନିଆଁ ଲାଗି ଏପରି ବିସ୍ଫୋରଣ ହୋଇଥିବା ସୂଚନା ମିଳିଛି ।
ବାଣ ବିସ୍ଫୋରଣ ଘଟି ଉଡ଼ିଗଲା ଛାତ