ଧାମନଗର ତହସିଲଦାରଙ୍କୁ ମଦ୍ୟପଙ୍କ ଦୁର୍ବ୍ୟବହାର, କାର୍ଯ୍ୟବନ୍ଦ ଆନ୍ଦୋଳନରେ ବ୍ଲକ କର୍ମଚାରୀ

ଭଦ୍ରକ ଜିଲ୍ଲା ଧାମନଗର ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ମଦ୍ୟପଙ୍କ ଦୁର୍ବ୍ୟବହାର । ଅଭିଯୁକ୍ତକୁ ଗିରଫ କରିବା ପାଇଁ ତହସିଲ ଓ ବ୍ଲକ କର୍ମଚାରୀ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି ।

ଭଦ୍ରକ: ଧାମନଗର ଗୋଷ୍ଠୀ ଉନ୍ନୟନ ଅଧିକାରୀ ତଥା ଭାରପ୍ରାପ୍ତ ତହସିଲଦାରଙ୍କୁ ମଦ୍ୟପଙ୍କ ଦୁର୍ବ୍ୟବହାର । ଏହାର ପ୍ରତିବାଦରେ ଅଭିଯୁକ୍ତକୁ ଗିରଫ କରିବା ଦାବିରେ ତହସିଲ ଓ ବ୍ଲକ କାର୍ଯ୍ୟାଳୟରେ ତାଲା ପକାଇଛନ୍ତି କର୍ମଚାରୀ ।

ସୂଚନା ଅନୁଯାୟୀ ଗତକାଲି ବିଳମ୍ବିତ ରାତ୍ରରେ କେତେକ ମଦ୍ୟପ ଯୁବକ ଧାମନଗର ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଗାଳିଗୁଲଜ କରିଛନ୍ତି । ଏହାପରେ ଗୋଷ୍ଠୀ ଉନ୍ନୟନ ଅଧିକାରୀ ଦୁର୍ଗା ଚରଣ ମୁର୍ମୁ ଧାମନଗର ଥାନାରେ ଏତଲା ଦେଇଛନ୍ତି । ତେବେ ପୋଲିସ ସମ୍ପୃକ୍ତ ଯୁବକଙ୍କୁ ଗିରଫ କରିନାହିଁ । ଏହାର ପ୍ରତିବାଦରେ ତହସିଲ ଓ ବ୍ଲକ କାର୍ଯାଳୟରେ ତାଲା ପକାଇ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି । ଧାମନଗର ତହସିଲ ଓ ବ୍ଲକ କର୍ମଚାରୀ ମାନେ ଅଭିଯୁକ୍ତ ଯୁବକଙ୍କୁ ଗିରଫ ଦାବି କରିଛନ୍ତି । ତେବେ ଏନେଇ ଗୋଷ୍ଠୀ ଉନ୍ନୟନ ଅଧିକାରୀ କିମ୍ବା ପୋଲିସ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ