ଭଦ୍ରକରେ ଗୋଷ୍ଠୀ ସଂଘର୍ଷ, 6 ଗୁରୁତର ଆହତ

ଚାନ୍ଦବାଲି ବ୍ଲକ ଅନ୍ତର୍ଗତ ଉତୁକୁଡ଼ା ପଞ୍ଚାୟତରେ ରାଜନୈତିକ ଗୋଷ୍ଠୀ ସଂଘର୍ଷ । 6 ଗୁରୁତର ଅବସ୍ଥାରେ ଚାନ୍ଦବାଲି ମେଡିକାଲରୁ କଟକ ସ୍ଥାନାନ୍ତର ।

ଭଦ୍ରକ: ଚାନ୍ଦବାଲି ବ୍ଲକ ଅନ୍ତର୍ଗତ ଉତୁକୁଡ଼ା ପଞ୍ଚାୟତରେ ରାଜନୈତିକ ଗୋଷ୍ଠୀ ସଂଘର୍ଷ । 6 ଜଣଙ୍କୁ ଗୁରୁତର ଅବସ୍ଥାରେ ଚାନ୍ଦବାଲି ମେଡିକାଲରୁ କଟକ ସ୍ଥାନାନ୍ତର କରାଯାଇଛି ।

ସୂଚନା ଅନୁଯାୟୀ, ଉପରୋକ୍ତ ପଞ୍ଚାୟତରେ ରାଜନୈତିକ ଗୋଷ୍ଠୀ ସଂଘର୍ଷର ଭୟାବହ ଦୃଶ୍ୟ ଦେଖିବାକୁ ମିଳିଛି । ଗୋଟିଏ ନିର୍ଦ୍ଦିଷ୍ଟ ରାଜନୈତିକ ଦଳ ପକ୍ଷରୁ ଅନ୍ୟ ଏକ ରାଜନୈତିକ ଦଳ ଉପରେ ମରଣାତ୍ମକ ଆକ୍ରମଣ କରାଯାଇଥିବା ଅଭିଯୋଗ ହୋଇଛି ।

ଏହି ସଂଘର୍ଷରେ 6 ଜଣ ଗୁରୁତର ଆହତ ହୋଇଛନ୍ତି । ସେମାନଙ୍କୁ ପ୍ରଥମେ ଚାନ୍ଦବାଲି ଓ ପରେ କଟକ ସ୍ଥାନାନ୍ତର କରାଯାଇଛି । ସେପଟେ ଘଟଣାସ୍ଥଳରେ ଉତ୍ତେଜନା ଲାଗି ରହିଥିବାରୁ ଗାଁରେ ବିପୁଳ ପୋଲିସ ମୁତୟନ ହୋଇଛନ୍ତି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ