ଭଦ୍ରକ: ଯେଉଁ ବୟସରେ ହାତରେ ପଢା ବହି ଧରି ପିଲାଏ ପାଠ ପଢିବା କଥା ସେ ବୟସରେ ସ୍କୁଲରେ ନଳକୂପ ହ୍ୟାଣ୍ଡେଲ ଧରାଇ ଦେଇଛନ୍ତି ଶିକ୍ଷକ । ଭୟରେ କିଛି ନ କହି ଚୁପଚାପ ପାଣି ବୋହି ଆଣୁଛନ୍ତି ଛାତ୍ର । ଏ ଦୃଶ୍ୟ ହେଉଛି ବାସୁଦେବପୁର ବ୍ଲକ ପଢୁଆଁ ସରକାରୀ ପ୍ରାଥମିକ ବିଦ୍ୟାଳୟର । ବାହାରେ ବର୍ଷା ହେଉଥିବା ସମୟରେ ଏହି ସ୍କୁଲର କୁନି କୁନି ଛାତ୍ରମାନେ ଶିକ୍ଷକଙ୍କ ବ୍ୟବହାର ପାଇଁ ପାଣି ବାଲଟି ବୋହୁଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ବାଲଶ୍ରମକୁ ରୋକିବା ପାଇଁ ସରକାର ବିଭିନ୍ନ ଯୋଜନା କରୁଥିବା ବେଳେ ଏହାକୁ ଖୋଲାଖୋଲି ଭାବେ ଉଲଂଘନ କରୁଛନ୍ତି ସରକାରୀ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ । ବାହାରେ ବର୍ଷା ହେଉଥିବା ସମୟରେ ବିଦ୍ୟାଳୟ ବାରଣ୍ଡାରେ ଛିଡା ହୋଇ ଛାତ୍ରମାନଙ୍କୁ ପାଣି ବୋହିବାର ଦେଖୁଥିଲେ ଶିକ୍ଷକ ଶିକ୍ଷୟିତ୍ରୀ । ଆଉ ଭୟରେ ବର୍ଷାରେ ଭିଜି ଭିଜି ପାଣି ବୋହୁଥିଲେ ନିରୀହ ଛାତ୍ର ।