ଭଦ୍ରକ: ଚଳିତ ବର୍ଷ ବୈତରଣୀ ବନ୍ୟା କ୍ଷୟକ୍ଷତିର ଅନୁଧ୍ୟାନ ଓ ଆକଳନ କରିବା ପାଇଁ ଆଜି ଏକ 4 ଜଣିଆ କେନ୍ଦ୍ରୀୟ ଟିମ ଭଦ୍ରକ ଜିଲ୍ଲାରେ ପହଞ୍ଚିଛନ୍ତି। ଏହି ଟିମ ଭଦ୍ରକ ଜିଲ୍ଲାର ପ୍ରବେଶପଥ ସଠିପୁର ଠାରେ ପହଞ୍ଚିବା ପରେ ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାପାଳ ଜ୍ଞାନ ଦାସଙ୍କ ସହ ବରିଷ୍ଠ ପ୍ରଶାସନିକ ଅଧିକାରୀମାନେ ସେମାନଙ୍କୁ ସ୍ୱାଗତ କରିଛନ୍ତି ।
ଟିମ ପ୍ରଥମେ ଭଦ୍ରକ ଜିଲ୍ଳାର ସର୍ବାଧିକ ବନ୍ୟା ପ୍ରଭାବିତ ଧାମନଗର ଅଞ୍ଚଳ ପରିଦର୍ଶନ କରିଛନ୍ତି । ପରେ ଏହି ଟିମ ଭଣ୍ଡାରିପୋଖରୀ ଅଞ୍ଚଳ ସମେତ ଅନ୍ୟାନ୍ୟ ବନ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରିଛନ୍ତି । ଏହାସହ ଭଦ୍ରକ ଜିଲ୍ଲାପାଳ, ସ୍ଥାନୀୟ ତହସିଲଦାର, ବିଡିଓ, କୃଷି ବିଭାଗ ଅଧିକାରୀ ଓ ଅନ୍ୟାନ୍ୟ ପ୍ରଶାସନିକ ଅଧିକାରୀଙ୍କ ସହିତ ବନ୍ୟା ପରିସ୍ଥିତି ଓ କ୍ଷୟକ୍ଷତିର ଆକଳନ କରିବା ସହ ସ୍ଥିତିର ସମୀକ୍ଷା କରିବାର କାର୍ଯ୍ୟକ୍ରମ ରହିଥିବା ଜଣାପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ