ଭଦ୍ରକ: ଅସାବଧାନତାରୁ ଅଘଟଣ । ଏପରି ଏକ ଅଘଟଣ ଘଟିଛି ଜିଲ୍ଲାର ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ଝୁଟୁଣା ଗ୍ରାମ ନିକଟସ୍ଥ ବୈତରଣୀ ନଦୀ କୂଳରେ । ଗୋଡ ଖସିଯିବାରୁ ନଦୀର ପ୍ରଖର ସୁଅରେ ଭାସି ଯାଇ ନାବାଳକ ନିଖୋଜ ହୋଇଛି । ସମ୍ପୃକ୍ତ ନିଖୋଜ ବାଳକ ହେଉଛି ସେହି ଗ୍ରାମର ବିଶ୍ବନାଥ ସାହୁଙ୍କ ପୁଅ ରାଜେଶ ସାହୁ ।
ସୂଚନା ଅନୁଯାୟୀ ରାଜେଶ ଗାଧୋଇବା ପାଇଁ ନଦୀ କୂଳକୁ ଯାଇଥିଲା । ଏହି ସମୟରେ କୌଣସି କାରଣରୁ ନଦୀ କୂଳରେ ଗୋଡ ଖସିଯିବାରୁ ସେ ନଦୀ ସୁଅରେ ଭାସିଯାଇ ନିଖୋଜ ହୋଇଯାଇଥିଲା । ଏନେଇ ସ୍ଥାନୀୟ ବାସିନ୍ଦା ଭଣ୍ଡାରିପୋଖରୀ ଅଗ୍ନିଶମ ବାହିନୀକୁ ଖବର କରିବା ପରେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଦୀର୍ଘ ସମୟ ଧରି ଖୋଜାଖୋଜି ଆରମ୍ଭ କରିଥିଲା । ତଥାପି ତାଙ୍କର କୌଣସି ପତ୍ତା ମିଳିନଥିଲା ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
