ଭଦ୍ରକ: ଆଜି ପବିତ୍ର ଇଦୁଲ ଫିତର । ତ୍ୟାଗ ଓ ସମର୍ପଣର ପର୍ବ । ‘ଆଲ୍ଲା ହୋ ଆକବର’ ଶବ୍ଦରେ କମ୍ପୁଛି ଭଦ୍ରକର କୁଆଁସସ୍ଥିତ ଇଦଘା । ଚଉଦ ମହଲା ମୁସ୍ଲିମ୍ ଜମାତ ପକ୍ଷରୁ ଆୟୋଜିତ ଏହି ଆଡମ୍ବରପୂର୍ଣ୍ଣ ସମାରୋହରେ ଦଶ ହଜାରରୁ ଊର୍ଦ୍ଧ୍ଵ ଶ୍ରଦ୍ଧାଳୁଙ୍କ ସମାଗମ ହୋଇଛି । କୋରାନ ପାଠ ସାଙ୍ଗକୁ ଜମିଛି ସମୂହ ନମାଜ ପାଠର ମାହୋଲ । ଶେଷରେ ସବୁ କିଛି ଭୁଲିଯାଇ ପରସ୍ପରକୁ ଉଭୟ ହିନ୍ଦୁ ଓ ମୁସଲମାନ ସମ୍ପ୍ରଦାୟର ପରସ୍ପରକୁ ଆଲିଙ୍ଗନ କରି ଇଦ୍ ମୁବାରକ୍ ଜଣାଇଛନ୍ତି ।
ଭିଡିଓ ସୌଜନ୍ୟ-ସମ୍ବାଦଦାତା, ଭଦ୍ରକ
ତେବେ ଇଦ ପାଇଁ ଜିଲ୍ଲା ପୁଲିସ ପ୍ରଶାସନ ପକ୍ଷରୁ ମଧ୍ୟ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ବିଭିନ୍ନ ସ୍ଥାନରେ 2 ଜଣ ଅତିରିକ୍ତ ଆରକ୍ଷୀ ଅଧୀକ୍ଷକ, 5 ଜଣ ଡିଏସପି, 2 ଜଣ ଇନ୍ସପେକ୍ଟର, 35 ଜଣ ଏସଆଇ / ଏଏସଆଇ ସମେତ 15 ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି ।