ଭଦ୍ରକ: ଶିକ୍ଷକଙ୍କୁ ମହଙ୍ଗା ପଡିଲା ସରକାରୀ ଅର୍ଥ ଆତ୍ମସାତ କରିବା । ଚାକିରୀରୁ ନିଲମ୍ବିତ ହେଲେ ଭଦ୍ରକ ବଣିଆଁ ହାଇସ୍କୁଲର କାର୍ଯ୍ୟରତ ପ୍ରଧାନ ଶିକ୍ଷକ ଲକ୍ଷ୍ମୀଧର ମଲ୍ଲିକ । ଓଡିଶା ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ଜାରି ଏକ ପ୍ରେସ ବିବୃତିରେ ଏହା ସ୍ପଷ୍ଟ ହୋଇଛି । ରାଜ୍ୟ ଗଣଶିକ୍ଷା କାର୍ଯ୍ୟାଳୟ ପତ୍ର ସଂଖ୍ୟା IPR/SME(OD)/939/ 05-12-2022 ତାରିଖ ରାତି ପ୍ରାୟ 9 ଘଟିକାରେ ଏହି ଆଦେଶ ପ୍ରକାଶ ପାଇଛି ।
ସରକାରୀ ଅର୍ଥ ଆତ୍ମସାତ ଅଭିଯୋଗରେ ପ୍ରଧାନ ଶିକ୍ଷକ ନିଲମ୍ବିତ
ପୂର୍ବରୁ ଆରସା ହାଇସ୍କୁଲରେ ଭାରପ୍ରାପ୍ତ ପ୍ରଧାନ ଶିକ୍ଷକ ଦାୟିତ୍ବରେ ଥିବା ବେଳେ ଆର୍ଥିକ ଅନିୟମିତତା କରିଥିବା ନେଇ ଅଭିଯୋଗ ହୋଇଥିଲା । ଏହାପରେ ଗତକାଲି ଓଡିଶା ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ଏକ ବିଜ୍ଞପ୍ତି ଜାରି କରାଯାଇ ଲକ୍ଷ୍ମୀଧରଙ୍କୁ ଚାକିରୀରୁ ନିଲମ୍ବିତ କରାଯାଇଛି । ମାଧ୍ୟମିକ ଶିକ୍ଷା ନିର୍ଦ୍ଦେଶକ ସୁଶାନ୍ତ କୁମାର ଦାସ ରାଜ୍ୟ ସରକାରଙ୍କ ଭ୍ରଷ୍ଟାଚାର ବିରୋଧରେ ଶୂନ୍ୟ ସହନଶୀଳତା ନୀତି ଅବଲମ୍ବନରେ ଲକ୍ଷ୍ମୀଧରଙ୍କୁ ନିଲମ୍ବିତ କରିଥିବା ସୂଚନା ମିଳିଛି ।