ଭଦ୍ରକ: ନବବଧୂ ଜୀବନ୍ତ ଦଗ୍ଧ। ବିବାହର ଚାରି ମାସ ପରେ ଏହିପରି ଅଭାବନୀୟ ଘଟଣା ଘଟିଛି। ଝିଅ ଘର ପକ୍ଷରୁ ଏହା ଏକ ଯୌତୁକଜନିତ ହତ୍ୟାକାଣ୍ଡ ବୋଲି ଅଭିଯୋଗ କରାଯାଇଛି ।
ନବବଧୂ ଜୀବନ୍ତ ଦଗ୍ଧ, ହତ୍ୟା ଅଭିଯୋଗ ଆଣିଲେ ବାପଘର ଲୋକେ
ସୂଚନା ଅନୁଯାୟୀ, ବାଲେଶ୍ଵର ଜିଲ୍ଲା ସିମୁଳିଆ ଅଣ୍ଡରେଇ ଗାଁର ପ୍ରଜ୍ଞା ପାରମିତା ଜେନା, ଭଦ୍ରକ ଜିଲ୍ଲା ସାବରଙ୍ଗ ଚକପୁର ଗାଁର ତପନ ଜେନାଙ୍କୁ ଚାରି ମାସ ତଳେ ବିବାହ କରିଥିଲେ। ତେବେ ଗୁରୁବାର ହଠାତ ପ୍ରଜ୍ଞା କିରୋସିନ ଢାଳି ଆତ୍ମହତ୍ୟା କରିଥିବା ନେଇ ଖବର ପାଇଥିଲେ ତାଙ୍କ ପରିବାର ଲୋକେ। ପ୍ରଜ୍ଞାଙ୍କ ପରିବାର ଲୋକେ ଶାଶୁ ଘରେ ପହଞ୍ଚିବା ସହ ଏହା ଏକ ଯୌତୁକଜନିତ ସୁପରିକଳ୍ପିତ ହତ୍ୟାକାଣ୍ଡ ବୋଲି ଭଦ୍ରକ ଗ୍ରାମାଞ୍ଚଳ ଥାନାରେ ଅଭିଯୋଗ କରିଥିବା ଜଣାପଡିଛି।