ଭଦ୍ରକ: ପଶ୍ଚିମବଙ୍ଗ ଫେରନ୍ତା ଧାମନଗର ବ୍ଲକର 2 ଜଣ କୋରୋନା ଆକ୍ରାନ୍ତ । କୋରୋନା ଚିହ୍ନଟ ପରେ ସମସ୍ତଙ୍କୁ କ୍ବାରେଣ୍ଟାଇନ ସେଣ୍ଟରରେ ବାଧ୍ୟତାମୂଳକ ଭାବେ ରଖାଯାଇଛି । ଏହା ସହ ସେମାନଙ୍କ ନମୁନା ପରୀକ୍ଷା ପାଇଁ ସଂଗ୍ରହ ପ୍ରକ୍ରିୟା ଆରମ୍ଭ ହୋଇଛି । ଧାମନଗର ବ୍ଲକରେ 3ଟି ନମୁନା ସଂଗ୍ରହ କେନ୍ଦ୍ର କରାଯାଇଛି ।
ଏହି ତିନୋଟି ନମୁନା ସଂଗ୍ରହ କେନ୍ଦ୍ରଗୁଡିକରେ ପାଖାପାଖି 300ଟି ନମୁନା ପରୀକ୍ଷା କରାଯାଇଥିବା ସୂଚନା ମିଳିଛି । ଅଞ୍ଚଳରେ ସାମାଜିକ ଦୂରତ୍ବକୁ ଗୁରୁତ୍ବ ଦିଆଯାଉଛି । ଏ ସମସ୍ତ ପ୍ରକ୍ରିୟାକୁ ତ୍ବରାନ୍ବିତ ଓ କଡାକଡି କରିବାକୁ ଆଶା, ଅଙ୍ଗନବାଡି କର୍ମୀ, ଜନପ୍ରତିନିଧି ଓ ସ୍ବତନ୍ତ୍ର ମେଡିକାଲ ଟିମ ନିରବଚ୍ଛିନ୍ନ ଭାବେ ନିଜ କାର୍ଯ୍ୟ ସମ୍ପାଦନ କରୁଛନ୍ତି । ଧାମନଗର ବ୍ଲକ ଅଞ୍ଚଳ ଅନ୍ତର୍ଗତ ଦୋବଲ ସ୍ଥିତ ନମୁନା କେନ୍ଦ୍ରରେ ବାସ୍ତବତା ପରଖି ଥିଲେ ଆମ ଇଟିଭି ର ପ୍ରତିନିଧି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ