ଭଦ୍ରକ: ଯୌତୁକ ଲୋଭୀ ରାକ୍ଷସ କବଳରୁ ବର୍ତ୍ତିପାରିଲେନି ମହିଳା । ଅଧିକ ଯୌତୁକ ଦାବିରେ ଶ୍ୱଶୁର ଘର ଲୋକେ ବିଷ ଦେଇ ହତ୍ୟା କରିଥିବା ଥାନାରେ ଅଭିଯୋଗ ହୋଇଛି । ଏନେଇ ପୋଲିସ ଏକ ମାମଲା ରୁଜୁ କରି ସ୍ବାମୀକୁ ଗିରଫ କରିଥିବା ସୂଚନା ମିଳିଛି। ଏଭଳି ଘଟଣା ଘଟିଛି ଭଦ୍ରକ ଜିଲ୍ଲା ତିହିଡି ଥାନାଧିନ ବାରୋ ଚବିଶପଡା ଗାଁରେ।
ଯୌତୁକ ଲୋଭରେ ବଧୂହତ୍ୟା ଅଭିଯୋଗ
ଖବର ଅନୁଯାୟୀ, ସ୍ଥାନୀୟ କଷଟି ଗାଁର ଦୟାନିଧି ରାଉତଙ୍କ ଝିଅ ଭାରତୀ ରାଉତ 2013 ମସିହାରେ ବୈଦିକ ରୀତିରେ ବାରୋ ଚବିଶପଡା ଗାଁର ଧରଣୀ ବିଶ୍ବାଳଙ୍କୁ ବିବାହ କରିଥିଲେ। ବିବାହର କିଛିଦିନ ପରେ ଅଧିକ ଯୌତୁକ ଦାବିରୁ ବିବାଦ ଉପୁଜିଥିଲା। ଏହାରି ମଧ୍ୟରେ ଏକ ଶିଶୁ କନ୍ୟାକୁ ଜନ୍ମ ଦେଇଥିଲେ ଭାରତୀ। ପରେ ଅଧିକ ବିବାଦ ହେବାରୁ ଭାରତୀ ବାଧ୍ୟ ହୋଇ ନିଜ ବାପଘରେ ରହୁଥିଲେ। ପରେ ବାରୋ ମହିଳା ମହାସଂଘ ପକ୍ଷରୁ ବୁଝାମଣା କରାଯାଇଥିଲେ ମଧ୍ୟ ଶ୍ବଶୁର ଘର ଲୋକେ ରାଜି ହୋଇ ନଥିଲେ।