ଭଦ୍ରକରେ ଅଗ୍ନିକାଣ୍ଡ, ଜଳିଗଲା 4 ପରିବାରର 9 ବଖରା ଘର

ଭଦ୍ରକ ଜିଲ୍ଲା ତିହିଡି ତହସିଲ ବାହାବଳପୁର ପଞ୍ଚାୟତ ନନ୍ଦକନ୍ଦର୍ପପୁର ମାଟିଆ ସାହିରେ ଘଟିଛି ଭୟାନକ ଅଗ୍ନିକାଣ୍ଡ । ଏଥିରେ 4 ଟି ପରିବାରର 9 ବଖରା ଘର ଭଷ୍ମୀଭୁତ ହୋଇଥିବା ସୂଚନା ମିଳିଛି।

ଭଦ୍ରକ: ଭୟଙ୍କର ଅଗ୍ନିକାଣ୍ଡରେ ସର୍ବସ୍ବାନ୍ତ ହେଲେ ପରିବାର । ଭଦ୍ରକ ଜିଲ୍ଲା ତିହିଡି ତହସିଲ ବାହାବଳପୁର ପଞ୍ଚାୟତ ନନ୍ଦକନ୍ଦର୍ପପୁର ମାଟିଆ ସାହିରେ ଘଟିଛି ଭୟାନକ ଅଗ୍ନିକାଣ୍ଡ । ଏଥିରେ 4 ଟି ପରିବାରର 9 ବଖରା ଘର ଭଷ୍ମୀଭୂତ ହୋଇଥିବା ସୂଚନା ମିଳିଛି।

ବିଳମ୍ବିତ ରାତିରେ କୌଣସି କାରଣରୁ ନିଆଁ ଲାଗିଥିଲା। ନିମିଷକ ମଧ୍ୟରେ ନିଆଁର ପ୍ରକୋପ ଚାରିଆଡକୁ ବ୍ୟାପି ଯାଇଥିଲା। ଏନେଇ ଖବର ପାଇବା ପରେ ତିହିଡିରୁ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ସେତେବେଳକୁ ସବୁକିଛି ନଷ୍ଟ ହୋଇଯାଇଥିଲା।

ତିହିଡ଼ି ତହସିଲଦାର ଘଟଣାସ୍ଥଳରେ ପହଞ୍ଚି ବିପନ୍ନଙ୍କୁ ଭେଟି ତଦନ୍ତ କରିଥିବା ବେଳେ ଏହି ଅଗ୍ନିକାଣ୍ଡରେ ସର୍ବସ୍ବାନ୍ତ ହୋଇଥିବା ବିପନ୍ନଙ୍କର ବହୁ ଧନ ସମ୍ପତ୍ତି ନଷ୍ଟ ହୋଇଥିବା ଜଣାପଡିଛି।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ