ଭଦ୍ରକ: ଘର ପଛ ପଟରୁ ଉଦ୍ଧାର ହେଲା ଅଜଗର । ଭଦ୍ରକ ରାନ୍ଧିଆ ଗ୍ରାମର ରାଧାନାଥ ସ୍ବାଇଁଙ୍କ ବାଡିରୁ 12 ଫୁଟର ଅଜଗର ସାପ ଉଦ୍ଧାର ହୋଇଛି । ମିର୍ଜା ନାମକ ଜଣେ ସାପ ଧରାଳି ସାପଟିକୁ ଉଦ୍ଧାର କରିଛନ୍ତି ।
ସୂଚନା ଅନୁଯାୟୀ, ରାଧାନାଥ ସ୍ବାଇଁଙ୍କ ପତ୍ନୀ ବାଡ଼ିକୁ ଫୁଲ ତୋଳିବାକୁ ଯାଇଥିବାବେଳେ ସାପଟିକୁ ଦେଖିଥିଲେ । ଏତେ ବଡ ସାପଟିକୁ ଦେଖି ସେ ପ୍ରଥମେ ଭୟଭୀତ ହୋଇଯାଇଥିଲେ । ପରେ ପରିବାରଲୋକ ସର୍ପ ଧରାଳି ମିର୍ଜାଙ୍କୁ ଯୋଗାଯୋଗ କରିଥିଲେ । ଆଉ ଦିର୍ଘ ସମୟର ଅକ୍ଲାନ୍ତ ପରିଶ୍ରମ ପରେ ଅଜଗରକୁ କାବୁ କରିବାରେ ମିର୍ଜା ସଫଳ ହୋଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ