ପୁଣି ନାଗ ସାପ ଆତଙ୍କ, 38 ଟି ଛୁଆ ସାପ ଉଦ୍ଧାର

ଭଦ୍ରକ ଗ୍ରାମାଞ୍ଚଳ ଥାନା ନଳାଙ୍ଗ ଅନ୍ତର୍ଗତ ବିରିପଡା ଗ୍ରାମରେ ରବିନ୍ଦ୍ର ଜେନାଙ୍କ ଘରୁ 38 ଟି ନାଗ ଛୁଆ ସହ ଗୋଟିଏ ବଡ ନାଗ ସାପ ଉଦ୍ଧାର ହୋଇଛି । ଭଦ୍ରକ ସ୍ନେକ ହେଲ୍ପ ଲାଇନ ସଦସ୍ୟ ସେକ ମିର୍ଜା ଏସମସ୍ତ ନାଗ ଛୁଆଙ୍କୁ ଉଦ୍ଧାର କରିଛନ୍ତି ।

ଭଦ୍ରକ: ପୁଣି ଭଦ୍ରକରେ ନାଗ ଆତଙ୍କ । କିଛି ଦିନ ତଳେ ଧାମନଗର ଅଞ୍ଚଳ ସମେତ ଜିଲ୍ଲାର ବିଭିନ୍ନ ସ୍ଥାନରୁ ଶତାଧିକ ନାଗ ସାପ ଉଦ୍ଧାର ହୋଇଥିବା ବେଳେ, ଆଜି ଭଦ୍ରକ ଗ୍ରାମାଞ୍ଚଳ ଥାନା ନଳାଙ୍ଗ ଅନ୍ତର୍ଗତ ବିରିପଡା ଗ୍ରାମରେ ରବିନ୍ଦ୍ର ଜେନାଙ୍କ ଘରୁ 38 ଟି ନାଗ ଛୁଆ ସହ ଗୋଟିଏ ବଡ ନାଗ ସାପ ଉଦ୍ଧାର ହୋଇଛି । ରବିନ୍ଦ୍ର ତାଙ୍କ ଘରେ କିଛି ନାଗ ଛୁଆ ବୁଲୁଥିବାର ଦେଖିବାକୁ ପାଇଥିଲେ । ଫଳରେ ସେ ଭୟଭୀତ ହୋଇପଡିଥିଲେ।

ଏନେଇ ସେ ଭଦ୍ରକ ସ୍ନେକ ହେଲ୍ପ ଲାଇନ ସଦସ୍ୟ ସେକ ମିର୍ଜାଙ୍କୁ ଜଣାଇଥିଲେ । ଘଟଣା ସ୍ଥଳରେ ସ୍ନେକ ହେଲ୍ପ ଲାଇନ ସଦସ୍ୟ ପହଞ୍ଚି ରବିନ୍ଦ୍ରଙ୍କ ଘର ଭିତରୁ 38 ଟି ନାଗ ସାପ ଛୁଆଙ୍କୁ ଉଦ୍ଧାର କରିଥିବା ବେଳେ ଗୋଟିଏ ବଡ ନାଗକୁ ଉଦ୍ଧାର କରିଥିଲେ । ଏହି ଘଟଣା ପ୍ରଚାର ହେବା ପରେ ରବିନ୍ଦ୍ର ଜେନାଙ୍କ ଘରେ ଲୋକଙ୍କ ଭିଡ଼଼ ଦେଖିବାକୁ ମିଳିଥିବା ବେଳେ ଆତଙ୍କିତ ହୋଇପଡ଼ିଛନ୍ତି ଅଞ୍ଚଳବାସୀ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ