ଅଜଣା ଗାଡି ଧକ୍କାରେ ବାଇକ ଆରୋହୀ ମୃତ ଜଣେ ଗୁରୁତର

ପଦ୍ମପୁର ଉପଖଣ୍ଡ ଗାଇସିଲେଟ ଥାନା ଅନ୍ତର୍ଗତ ସରଧାପଲି ପାଲି ରାସ୍ତାରେ ଅଜଣା ଗାଡି ଧକ୍କାରେ ଜଣେ ବାଇକ ଆରୋହୀ ମୃତ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। ଅଧିକ ପଢନ୍ତୁ...

ବରଗଡ: ଅଜଣା ଗାଡି ଧକ୍କାରେ ଜଣେ ବାଇକ ଆରୋହୀ ମୃତ ଜଣେ ଗୁରୁତର । ଧକ୍କା ଦେଇ ଚାଲିଯାଇଥିବା ଅଜଣା ଗାଡିର କୌଣସି ପତ୍ତା ମିଳିନାହିଁ । ସ୍ଥାନୀୟ ଲୋକେ ଉଦ୍ଧାର କରି ଗୁରତରଙ୍କୁ ମେଡିକାଲରେ ବର୍ତ୍ତି କରିଛନ୍ତି ।

ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ଥାନା ଅନ୍ତର୍ଗତ ସରଧାପଲି ପାଲି ରାସ୍ତାରେ ମୋଟର ସାଇକେଲ ଦୁର୍ଘଟଣାରେ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ଆହତ ହୋଇଛନ୍ତି । ଗାଇସିଲେଟ ଥାନା ଅନ୍ତର୍ଗତ କନ୍ଦାଗାର୍ଡ ଗ୍ରାମର ଦୁଇ ବ୍ୟକ୍ତି ସନ୍ଧ୍ୟା ସମୟରେ ବାଇକ ଯୋଗେ ନିଜ ଗ୍ରାମକୁ ଫେରୁଥିବା ସମୟରେ ଅଜଣା ଗାଡି ଧକ୍କା ଦେଇ ଚାଲିଯାଇଥିଲା | ତେବେ ରକ୍ତାକ୍ତ ଅବସ୍ଥାରେ ପଡିରହିଥିବା ଉଭୟ ବ୍ୟକ୍ତିଙ୍କୁ ସ୍ଥାନୀୟ ଲୋକେ ଦେଖିବା ପରେ ସେମାନଙ୍କୁ ଉଦ୍ଧାର କରିଥିଲେ ମାତ୍ର ଘଟନା ସ୍ଥଳରେ ହିଁ ବାଇକ ଆରୋହିଙ୍କ ମୃତ୍ୟୁ ହୋଇଯାଇଥିଲା । ବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ରାସ୍ତା କଡରେ ଅଚେତ ଅବସ୍ଥାରେ ପଡିରହିଥିଲେ| ଆମ୍ବୁଲାନ୍ସଯୋଗେ ଗୁରୁତରଙ୍କୁ ଗ୍ରାମବାସୀ ଡାକ୍ତରଖାନାକୁ ପଠାଇଥିଲେ |

ବରଗଡରୁ ରାଜେଶ ସରାପ,ଇଟିଭି ଭାରତ