ବରଗଡ଼: ଗତ ମେ ୫ ତାରିଖ ଠାରୁ ବରଗଡ଼ ଜିଲ୍ଲାରେ ଧାନ ସଂଗ୍ରହ ପ୍ରକ୍ରିୟା ଆରମ୍ଭ ହୋଇଥିବା ବେଳେ ଧାନ କିଣାବିକା ପ୍ରକ୍ରିୟାକୁ ଆଜିକି ୨୯ ଦିନ ବିତିଗଲାଣି । ହେଲେ ଏବେ ଜିଲ୍ଲର ବିଭିନ୍ନ ମାର୍କେଟ ୟାର୍ଡରେ ହଜାର ହଜାର ବସ୍ତା ଧାନ ଖୋଲା ଆକାଶ ତଳେ ପଡ଼ିରହିଛି ।
ରାଜ୍ୟର ଭାତହାଣ୍ଡି ଚାଷୀଙ୍କ ଚିନ୍ତା ବଢାଇଛି ଟୋକାନ ଏବଂ ଅଦିନିଆ ବର୍ଷା
ଏପଟେ ଅଦିନିଆ ବର୍ଷା ସହିତ ମାର୍କେଟ ୟାର୍ଡର ଅବ୍ୟବସ୍ଥା ଯୋଗୁଁ ଭିଜିବାରେ ଲାଗିଛି ଧାନ । ଏହାସହ ଟୋକନ ଟେନସନ ପାଇଁ ଚାଷୀ ଧାନ ବିକ୍ରି କରିପାରୁନଥିବା ବେଳେ ମିଲର୍ସମାନେ ମନ ମୁତାବକ କଟନୀ ଛଟଣୀ କରୁଥିବା ଅଭିଯୋଗ ଆଣିଛନ୍ତି ଚାଷୀ । ଚାଷୀର କଷ୍ଟ ଉପାର୍ଜିତ ଫସଲ ବର୍ଷାରେ ନଷ୍ଟ ହେବା ସହିତ ଟୋକାନ ଅବଧି ପାଇଁ ହନ୍ତସନ୍ତ ହେଉଥିବା ଚାଷୀ ଅଭିଯୋଗ କରିଛନ୍ତି । ତେବେ ଖୁବ ଶୀଘ୍ର ମାର୍କେଟ ଧାନ କିଣା ନ ଗଲେ ଆଗାମୀ ଦିନରେ ଆନ୍ଦୋଳନ କରିବେ ବୋଲି ଚାଷୀମାନେ ଚେତାବନୀ ଦେଇଛନ୍ତି ।