ବରଗଡ: ଧାନ କିଣାରେ ସରକାରଙ୍କ ଟୋକନ ବ୍ୟବସ୍ଥା ଭାତହାଣ୍ଡିର ଚାଷୀଙ୍କ ପାଇଁ ଏବେ ସାଜିଛି କାଳ | ଚାଷୀଙ୍କ ହାତରେ ଟୋକନ ଅଛି , ଧାନ ମଧ୍ୟ ମଣ୍ଡିରେ ପଡି ବର୍ଷା ପାଣିରେ ଭିଜୁଛି ହେଲେ ନା ଧାନ ବିକ୍ରି କରିପାରୁଛନ୍ତି ନା ରବି ଫସଲ ପାଇଁ ଆଗକୁ କାମ ଧନ୍ଦା କରିପାରୁଛନ୍ତି | କେବଳ ସରକାରୀ ଅଫିସ ଦୌଡି ଦୌଡି ହଇରାଣ ହେଉଛନ୍ତି । ନିଜର କଷ୍ଟ ଉପାର୍ଜିତ ଧାନ ବିକ୍ରି କରି ଋଣ ସୁଝିବା ପାଇଁ, ହେଲେ ନିରାଶ ହୋଇ ଫେରୁଛନ୍ତି ଘରକୁ |
ଚାଷୀଙ୍କ ସ୍ଥିତି ଯଥା ପୂର୍ବଂ ତଥା ପରଂ
ସରକାରଙ୍କ ନୂତନ ନିୟମକୁ ଚାଷୀ ମାନେ ଯେତେ ବିରୋଧ କରିଥିଲେ ମଧ୍ୟ ଚାଷୀଙ୍କ କଥା ଶୁଣିନଥିଲେ ସରକାର । ବାଧ୍ୟତାମୂଳକ ଭାବରେ ଲାଗୁ କରାଯାଇଥିଲା ଟୋକନ ବ୍ୟବସ୍ଥା | ଏହି ଟୋକନ ବ୍ୟବସ୍ଥାରେ ଯେଉଁ ଭୟାବହ ପରିସ୍ଥିତି ଉପୁଜିବ ବୋଲି ଭୟ କରୁଥିଲେ ଚାଷୀ ଆଜି ସେହି ପରିସ୍ଥିତି ସୃଷ୍ଟି ହୋଇଛି ।