ବରଗଡ: ଜିଲ୍ଲାର କଣ୍ଟାପାଲି । ଯେଉଁ ଗାଁରେ କାଉ ନୁହେଁ, ଠୁକୁର ଠୁକୁର ଶବ୍ଦ ହିଁ ଗ୍ରାବବାସୀଙ୍କୁ ସକାଳର ସୂଚନା ଦେଇଥାଏ । ଆଉ ଏହି ଶବ୍ଦ ଗାଁର ପରିଚୟ । 2ଶହରୁ ଊର୍ଦ୍ଧ୍ବ କଂସାରୀ ପରିବାରଙ୍କ ଶିଳ୍ପକଳାକୁ ନେଇ ସମୃଦ୍ଧ ଏ ଗାଁ । ହେଲେ ଏବେ ଏମାନଙ୍କ ବୃତ୍ତିରେ ମାଡିଆସିଛି କଳାବାଦଲ । ଷ୍ଟିଲ ଓ ଫାଇବର ଯୁଗରେ କଂସା ବାସନର ଚାହିଦା କମିଛି । ଯାହାଫଳରେ ବୃତ୍ତିକୁ ବଞ୍ଚାଇ ରଖିବା ପାଇଁ ସଙ୍ଘର୍ଷ କରିବାକୁ ପଡୁଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
କୋଇଲା ଭାଟିରେ କଞ୍ଚାମାଲକୁ ଉଚ୍ଚ ତାପମାତ୍ରରେ ତରଳାଇ ଛାଞ୍ଚରେ ଢ଼ଳା ଯାଇ ଏସବୁ ପ୍ରସ୍ତୁତ କରାଯାଏ । ହେଲେ ଏବେ କୋଇଲା ଓ କଞ୍ଚାମାଲ ସହ ତାଳ ଦେଇ ଉତ୍ପାଦିତ ସାମଗ୍ରୀର ମଧ୍ୟ ଦର ବଢୁଛି । ଯେଉଁଥିପାଇଁ ଏସବୁ ଜିନିଷରୁ ଲୋକେ ମୁହଁ ଫେରାଇ ନେଉଛନ୍ତି । କେବଳ ବିବାହ, ବ୍ରତ ଆଦି କାର୍ଯ୍ୟରେ ନାମକୁ ମାତ୍ର ଏହାର ବ୍ୟବହାର ହେଉଥିବା କଂସାରୀ କହିଛନ୍ତି ।