ବରଗଡ: ଜିଲ୍ଲାରେ ଚାଷୀମାନେ ରସାୟନିକ ସାର ଓ କୀଟନାଶକର ବ୍ୟାପକ ମାତ୍ରାରେ ବ୍ୟବହାର କରୁଥିବାରୁ କଳାବଜାରୀ ମାନଙ୍କ ପାଇଁ ମୁଖ୍ୟ ବ୍ୟାପାର ସ୍ଥଳ ପାଲଟିଛି ବରଗଡ ଜିଲ୍ଲା । କେତବେଳେ ନକଲି ବିହନର ଠକେଇ ତ' ଆଉ କେତବେଳେ ନକଲି କୀଟନାଶକ ଓ ସାରର ଠକାମୀ ।
ତେବେ ବରଗଡ ଜିଲ୍ଲା ଅତାବିରା ବ୍ଲକ ଟୋଫ ଗ୍ରାମର ବିଜୟ ପ୍ରଧାନ ନାମକ ଜଣେ ବ୍ୟାପାରୀ ବାୟର କମ୍ପାନୀର ‘ନେଟିଭା’ର ନକଲି କୀଟନାଶକ ବିକ୍ରି କରି ଚାଷୀଙ୍କୁ ଠକିବା ସହିତ ବହୁ ଫସଲ ନଷ୍ଟ କରାଇଥିବା ଅଭିଯୋଗ ହୋଇଛି । ଏନେଇ ଆଜି(ବୁଧବାର) ବରଗଡ ଜିଲ୍ଲାପାଳଙ୍କ ଅଫିସ ନିକଟରେ ବହୁ ଚାଷୀ ଓ କମ୍ପାନୀର ଅଧିକାରୀ ପହଞ୍ଚି ଏନେଇ ଅଭିଯୋଗ ଆଣିଥିଲେ । ତେବେ ଚାଷୀଙ୍କୁ ଶୋଷଣ କରୁଥିବା ଏପରି କଳାବଜାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ଚାଷୀ ।
ବରଗଡରୁ ରାଜେଶ ସରାପ, ଇଟିଭି ଭାରତ