ବରଗଡ: ମହିଳା ଶ୍ରଦ୍ଧାଳୁଙ୍କୁ ପୂଜକଙ୍କ ଦୁଷ୍କର୍ମ ଉଦ୍ୟମ ଅଭିଯୋଗ । ଥାନାରେ ଏତଲା ପରେ ବନ୍ଧା ହେଲେ ମନ୍ଦିର ପୂଜକ । ଏପରି ଅଭାବନୀୟ ଘଟଣା ଘଟିଛି ବରଗଡ ଜିଲ୍ଲା ପାଇକମାଳ ଅଞ୍ଚଳରେ । ଆଧ୍ୟାତ୍ମିକ ଭାବନା ନେଇ ଲୋକେ ପୂଜାର୍ଚ୍ଚନା କରିଥାନ୍ତି । ଦେବାଦେବୀଙ୍କ ପରେ ପୂଜକମାନଙ୍କୁ ଅତି ଭକ୍ତି ଓ ସମ୍ମାନ କରିଥାନ୍ତି ଶ୍ରଦ୍ଧାଳୁ । ହେଲେ ପାଇକମାଳ ଥାନା ଅଞ୍ଚଳରେ ଜଣେ ପୂଜକଙ୍କ ଏହି ଅମାନବୀୟ କାଣ୍ଡ ଏବେ ଆଲୋଡନ ସୃଷ୍ଟି କରିଛି ।
ସୂଚନାନୁସାରେ, ପାଇକମାଳ ଅଞ୍ଚଳର ଜଣେ ମହିଳା ସହରରେ ଥିବା ଦୁର୍ଗା ମନ୍ଦିରକୁ ପୂଜାର୍ଚ୍ଚନା କରିବା ପାଇଁ ଆସିଥିଲେ । ପୂଜକ ଦିଗାମ୍ବର ଦେବତା ତାଙ୍କ ଭବିଷ୍ୟବାଣୀ କରି ବିଧବା ଯୋଗ ଥିବା ନେଇ କହିଥିଲେ । ମହିଳା ଜଣଙ୍କ ରିଷ୍ଟ ଖଣ୍ଡନ ପାଇଁ ପୂଜକଙ୍କୁ ଉପାୟ ପଚାରି ଥିଲେ । ରାତିରେ ପୂଜା ପାଠ କରି ଡେଉଁରିଆ ପିନ୍ଧିବାକୁ ପଡିବ ବୋଲି ଉପାୟ ଦେଇଥିଲେ ପୂଜକ ।