ବରଗଡ: ବିଜେପୁର ଉପନିର୍ବାଚନ ପାଇଁ ଜୋର ଧରିଛି ପ୍ରଚାର । ବିଜେପି ପକ୍ଷରୁ ପ୍ରଚାର ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେପୁର ନିର୍ବାଚନମଣ୍ଡଳୀ ଗସ୍ତ କରିସାରିଥିବା ବେଳେ ଏବେ ବିଜେଡି ଦଳ ମୁଖିଆ ନବୀନ ପଟ୍ଟନାୟକ ନିଜେ ବିଜେଡି ପ୍ରାର୍ଥିନୀ ରୀତା ସାହୁଙ୍କ ପ୍ରଚାରରେ ଆସିବେ ବୋଲି ସୂଚନା ମିଳିଛି |
ଆସନ୍ତା 17 ଓ 18 ତାରିଖ ଦୁଇଦିନ ଧରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବରଗଡ ଜିଲ୍ଲାକୁ ଗସ୍ତ କରିବା ନେଇ ସୂଚନା ମିଳିଛି ।
ଆସନ୍ତା 17ରେ ବିଜେପୁର ଆସିପାରନ୍ତି ମୁଖ୍ୟମନ୍ତ୍ରୀ ତେବେ ମୁଖ୍ୟମନ୍ତ୍ରୀ 17 ତାରିଖରେ ବିଜେପୁର ବ୍ଲକ ଲାଉମୁଣ୍ଡାରେ ହେଲିକେପ୍ଟର ଯୋଗେ ଅହଲ୍ଲାଇବେ ଏବଂ ବିଜେପୁର ଓ ବରପାଲି ଉଭୟ ବ୍ଲକର ବହୁ ସ୍ଥାନକୁ ରୋଡ ସୋ ଜରିଆରେ ଲୋକଙ୍କ ପାଖକୁ ପହଞ୍ଚିବେ । ଏହାସହ ବରଗଡରେ ରାତ୍ରିଯାପନ କରି 18 ତାରିଖରେ ପୁଣି ଗାଇସିଲେଟ ବ୍ଲକର ତାଳପାଳିଠାରୁ ନିର୍ବାଚନୀ ପ୍ରଚାରରେ ବାହାରିବାର ଯୋଜନା ରହିଛି । ଶେଷରେ ଅପରାହ୍ନ 1ଟା ପରେ ସେ ପଦ୍ମପୁର ସତିଭଟା ଏୟାର ସ୍ଟ୍ରିପରେ ପହଞ୍ଚି ସେଠାରୁ ଫେରିବାର କାର୍ଯ୍ୟକ୍ରମ ରହିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ