ବରଗଡ: ପ୍ରଚଣ୍ଡ ଗ୍ରୀଷ୍ମରୁ ରକ୍ଷା ପାଇବା ପାଇଁ ସମସ୍ତେ ବର୍ଷାକୁ ଅପେକ୍ଷା କରି ରହିଥିବା ବେଳେ ବରଗଡ ଜିଲ୍ଲାର ଚାଷୀ ମାନେ ଚାତକ ପକ୍ଷୀ ପରି ମୌସୁମୀକୁ ଅପେକ୍ଷା କରି ରହିଛନ୍ତି ଚାଷ କାମ ଆରମ୍ଭ କରିବା ପାଇଁ । ଗତ ବର୍ଷ ଅପେକ୍ଷା ଚଳିତ ବର୍ଷ ଭଲ ବର୍ଷା ହେବ ବୋଲି ଚାଷୀଙ୍କ ମନରେ ଆଶା ଓ ବିଶ୍ଵାସ ରହିଥିବା ବେଳେ ଠିକ ସମୟରେ ମୌସୁମୀ ମଧ୍ୟ ଆସି ବର୍ଷାର ପ୍ରଥମ ଝଲକ ଦେଖାଇଦେଇଛି । ଏବଂ ଜିଲ୍ଲାର ଚାଷୀଙ୍କ ମନରେ ଭରି ଦେଇଛି ଖୁସିର ଲହରୀ।
ଭିଡିଓ ସୌଜନ୍ୟ- ସମ୍ବାଦଦାତା, ବରଗଡ
ଚଳିତ ବର୍ଷ ମୌସୁମୀ ଟିକିଏ ବିଳମ୍ବ କରିଛି ସତ ହେଲେ ବର୍ଷାର ଆଗମନ ହୋଇଥିବା ବେଳେ ଚାଷୀ ମାନେ ନିଜ ନିଜ ବିଲକୁ ସଜାଡିବା ପାଇଁ ବାହାରି ପଡିଛନ୍ତି । ପ୍ରଥମ ବର୍ଷାରେ ମାଟି ଓଦା ହେବା ସହ ଚାଷ ଆରମ୍ଭ ପାଇଁ ସଠିକ ସମୟ ହୋଇଥିବାରୁ ଚାଷୀ ମାନେ ବିଭିନ୍ନ ଶସ୍ୟ ଜାତୀୟ ଉତ୍ପାଦନ ପାଇଁ ଅଣ୍ଟା ଭିଡିସାରିଲେଣି । କିଏ ଟ୍ରାକ୍ଟର ଜରିଆରେ ମାଟିକୁ ହାଲୁକା କରୁଛି ତ ଆଉ କିଏ ବିଲରେ ବିହନ ବୁଣିବା ଆରମ୍ଭ କରିଲେଣି । ମୌ