ବରଗଡ଼: ଉପଜିଲ୍ଲାପାଳଙ୍କ ନିର୍ଦ୍ଦେଶକୁ ଖାତିର କରୁ ନାହାନ୍ତି ବରଗଡ଼ ଜିଲ୍ଲା ପଦ୍ମପୁର ଅଞ୍ଚଳ ଫାଇନାନ୍ସ କମ୍ପାନୀ ମାନେ । ପଦ୍ମପୁର ଉପଜିଲ୍ଲାପାଳଙ୍କ ମନା କରିବା ପରେ ମଧ୍ୟ ଅର୍ଥ ବସୁଲି କରୁଛନ୍ତି ବହୁ ମାଇକ୍ରୋଫାଇନାନ୍ସ କମ୍ପାନୀ ।
ବର୍ତ୍ତମାନ କୋରୋନା ମହାମାରୀ ପରିସ୍ଥିତିରେ ବହୁ ଗରିବ ଲୋକଙ୍କ ହାତରେ ପଇସା ନଥିବା ବେଳେ ନିଜ ପରିବାରର କିପରି ଭରଣ ପୋଷଣ କରିବେ ସେନେଇ ଚିନ୍ତାରେ ପଡିଯାଇଛନ୍ତି । ବହୁ ବେକାରଙ୍କୁ ରାଜ୍ୟ ସରକାର କିପରି କାମ ଧନ୍ଦା ଯୋଗାଇ ଦେବେ ସେନେଇ ଚିନ୍ତା ପ୍ରକଟ କରୁଛନ୍ତି । ଏପରି ପରିସ୍ଥିତିରେ ଋଣ ପ୍ରଦାନକାରୀ ବହୁ ମାଇକ୍ରୋଫାଇନାନ୍ସ କମ୍ପାନୀ ନିଜର ଅର୍ଥ ସଂଗ୍ରହ କରିବାକୁ ବାହାରି ପଡିଛନ୍ତି । ତେବେ ଲୋକଙ୍କ ଅବସ୍ଥା ଦେଖି ପଦ୍ମପୁର ଉପଜିଲ୍ଲାପାଳ ତନ୍ମୟ କୁମାର ଦରୁଆନ ନିଜେ ପଦ୍ମପୁର ଅଞ୍ଚଳର ସମସ୍ତ ଫାଇନାନ୍ସ କମ୍ପାନୀ ମାନଙ୍କୁ ବର୍ତ୍ତମାନ କିଛି ଦିନ ପର୍ଯ୍ୟନ୍ତ ଅର୍ଥ ବସୁଲି ନକରିବା ପାଇଁ ନିର୍ଦ୍ଦେଶ ଦେଇଛନ୍ତି । ହେଲେ ବହୁ କମ୍ପାନୀ ଉପଜିଲ୍ଲାପାଳଙ୍କ ନିର୍ଦ୍ଦେଶକୁ ବି ଖାତିର ନକରି ଅର୍ଥ ବସୁଲି କରିବାକୁ ପହଞ୍ଚିଛନ୍ତି । ଯାହାକୁ ନେଇ ଲୋକଙ୍କ ମଧ୍ୟରେ ଆସନ୍ତୋଷ ଦେଖାଦେଇଛି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ