ବରଗଡ: ସହରର ସ୍ଥାନୀୟ ଗୋରୁ ମାର୍କେଟ ଅଞ୍ଚଳରୁ ପୁଣି ବିପୁଳ ପରିମାଣର ବେଆଇନ କଫ ସିରପ ଜବତ କରିଛି ପୋଲିସ । ଘଟଣାରେ ଟାଉନ ପୋଲିସ ୫ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ୨ଟି ଚାରିଚକିଆ ଗାଡି ଜବତ କରିବାରେ ସଫଳ ହୋଇଛି | ଏହି କାରବାରରେ ସମ୍ପୃକ୍ତ ଥିବା ବଲାଙ୍ଗୀର ଜିଲ୍ଲାର 2 ଜଣଙ୍କୁ ଏବଂ ବରଗଡ ଟାଉନର 3 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ |
ବରଗଡରୁ ବିପୁଳ ପରିମାଣର ବେଆଇନ କଫ ସିରପ ଜବତ, 5 ଗିରଫ
ନିଶା କାରବାରରେ ଧରାପଡିଥିବା ଅଭିଯୁକ୍ତଙ୍କ ଠାରୁ ପୋଲିସ ୧୧୭୦ ବୋତଲ କଫ ସିରପ, ୨ଟି ଜାରକିନରେ ରହିଥିବା ମିଶ୍ରିତ କଫ ସିରପ, ୫ ଷ୍ଟ୍ରିପ ନିଶା ବଟିକା ଜବତ କରିଛି | ଗିରଫ ଅଭିଯୁକ୍ତ ମାନେ ବଲାଙ୍ଗୀର କଂସାରିପଡ଼ାର ସନ୍ତୋଷ କୁମାର ମେହେର, ଭାଲେର ଗ୍ରାମର ଶ୍ରୀକାନ୍ତ ନାୟକ, ବରଗଡ଼ ପୌର ପରିଷଦ ଅଧୀନ ଓ୍ବାର୍ଡ ନଂ OR ୧୧ର ଏମଡି ନିଶାଦ, ନୌସଦ ଖାଁ ଓ ସରୋଜ ଭୁଏ ବୋଲି ଜଣାପଡିଛି ।