ବରଗଡ: ଏସିସି ସିମେଣ୍ଟ କାରଖାନାରେ କାର୍ଯ୍ୟରତ ଶ୍ରମିକଙ୍କୁ ସରକାରଙ୍କ ଅଣଦେଖା । ନିର୍ଦ୍ଧାରିତ ହାରରେ ପାରିଶ୍ରମିକ ପ୍ରଦାନ କରୁନଥିବା ନେଇ ଅଭିଯୋଗ କରିଛନ୍ତି କାର୍ଯ୍ୟରତ ଶ୍ରମିକ । ଏନେଇ ସ୍ଥାନୀୟ ଇଡକଳ ସିମେଣ୍ଟ ମଜଦୁର ସଂଘ ବରଗଡ ଜିଲ୍ଲା ଶ୍ରମ ଅଧିକାରୀଙ୍କ କାର୍ଯ୍ୟଳୟକୁ ଘେରି ଆନ୍ଦୋଳନ କରିଥିଲେ | ଏହାସହ ଜିଲ୍ଲା ଶ୍ରମ ଅଧିକାରୀ ତାଙ୍କ ପୂର୍ବ ପ୍ରତିଶୃତି ରଖିନଥିବା ଅଭିଯୋଗ କରି ମଜଦୁର ସଂଘ କ୍ଷୋଭ ପ୍ରକାଶ କରିଥିଲେ |
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ସୂଚନା ଅନୁଯାୟୀ ଓଡିଶା ସରକାରଙ୍କ ଗେଜେଟ ନୋଟିଫିକେସନ ନମ୍ବର ୪୩୧୨୦୮ ଅନୁଯାୟୀ ଶ୍ରମିକଙ୍କ ଦୈନିକ ପାରିଶ୍ରମିକ ନିର୍ଦ୍ଧାରଣ କରାଯାଇଥିଲା | ଏହି କ୍ରମରେ ଅଣକୁଶଳୀ ଶ୍ରମିକଙ୍କ ପାରିଶ୍ରମିକ 200 ଟଙ୍କା, ମଧ୍ୟମ କୁଶଳୀ ଶ୍ରମିକଙ୍କ 220 ରୁ 320 ଟଙ୍କା, କୁଶଳୀ ଶ୍ରମିକଙ୍କ 240 ରୁ 370 ଟଙ୍କା, ଉଚ୍ଚ କୁଶଳୀ ଶ୍ରମିକଙ୍କ ୨୬୦ ରୁ ୪୩୦ ଟଙ୍କା ମଜୁରୀ ଧାର୍ଯ୍ୟ କରାଯାଇଥିଲା । ଏହାସହ ସରକାର ଶ୍ରମିକଙ୍କୁ ଭିଡିଏ ବାବଦକୁ 24 ଟଙ୍କା 30 ପଇସା ଦେବାର ବ୍ୟବସ୍ଥା ମଧ୍ୟ କରିଛନ୍ତି |