ବରଗଡ: କୋରୋନା ମୁକାବିଲାରେ ଆଗଧାଡିର ଯୋଦ୍ଧାମାନଙ୍କୁ ସମ୍ମାନ ଜଣାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବନ୍ଦେ ଉତ୍କଳ ଜନନୀ ଗାନ କରିବାକୁ ରାଜ୍ୟବାସୀଙ୍କୁ ଅନୁରୋଧ କରିଥିଲେ । ବରଗଡରେ ବିଧାୟକ ଦେବେଶ ଆଚାର୍ଯ୍ୟଙ୍କ ନେତୃତ୍ବରେ ବନ୍ଦେ ଉତ୍କଳ ଜନନୀ ଗାନ କରାଯାଇଥିବା ବେଳେ କୋଶଳ ସଂଗଠନ ପକ୍ଷରୁ ଏହାକୁ ବିରୋଧ କରାଯିବା ସହ କୋରୋନା ଯୋଦ୍ଧାଙ୍କ ପାଇଁ ଜାତୀୟ ସଂଗୀତ ଗାନ କରାଯାଇଛି ।
କୋରୋନା ଯୋଦ୍ଧାଙ୍କ ପାଇଁ ଜାତୀୟ ସଂଗୀତ ଗାନ କଲେ କୋଶଳ ସଂଗ୍ରାମୀ
ବରଗଡ ଜିଲ୍ଲା ବିଜେଡି ପକ୍ଷରୁ ସ୍ଥାନୀୟ ଗାନ୍ଧୀ ଛକଠାରେ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା । ଏହା ସହ ସହରର ବିଭିନ୍ନ ସରକାରୀ କାର୍ଯ୍ୟାଳୟରେ ମଧ୍ୟ କର୍ମଚାରୀମାନେ ସନ୍ଧ୍ୟା 5 ଟା 30 ମିନିଟ ସମୟରେ ଏକତ୍ରିତ ହୋଇ ସଂଗୀତ ଗାନ କରିଥିଲେ ।