ବରଗଡ: ବାଲି ଚୋରା ଚାଲାଣ ସମୟରେ ଜବତ ହୋଇଛି ଚାଲାଣକାରୀ ସମସ୍ତ ଗାଡି । ଯାହା ମଧ୍ୟରେ ରହିଛି 4ଟି ଡମ୍ଫର ଓ ଗୋଟିଏ ଜେସିବି । ପଦ୍ମପୁର ଉପଖଣ୍ଡ ଝାରବନ୍ଦ ବ୍ଲକର ଅତିରିକ୍ତ ତହସିଲଦାର ଏସମସ୍ତ ଗାଡିଗୁଡିକୁ ଜବତ କରିଥିବା ବେଳେ ପ୍ରଶାସନର ଏହି କାର୍ଯ୍ୟକୁ ନେଇ ଲୋକଙ୍କର ଜନ୍ମିଛି ପ୍ରଶାସନ ପ୍ରତି ଭରଷା ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ସୂଚନା ଅନୁଯାୟୀ ସ୍ଥାନୀୟ ପଦ୍ମପୁର ଉପଖଣ୍ଡ ଜଗଦଲପୁର ଅଞ୍ଚଳରେ ଦୀର୍ଘ ଦିନ ହେବ ସମସ୍ତଙ୍କ ମିଳିତ ସହଯୋଗରେ ବ୍ୟାପକ ମାତ୍ରାରେ ନଦୀରୁ ବାଲି ଚୋରା ଚାଲାଣ ହେଉଥିଲା । ଏନେଇ ସ୍ଥାନୀୟ ଲୋକଙ୍କ ଅନେକ ଅଭିଯୋଗ ସତ୍ତ୍ବେ ବି କୌଣସି ପଦକ୍ଷେପ ନେଉ ନଥିଲେ ପୋଲିସ କି ତହସିଲଦାର । ହେଲେ ଝାରବନ୍ଦ ବ୍ଲକର ଅତିରିକ୍ତ ତହସିଲଦାର ପର୍ଶୁରାମ ପଣ୍ଡାଙ୍କ ଯୋଗଦାନ ପରେ ହିଁ ସେ ନଦୀପଠାରେ ହେଉଥିବା ବେଆଇନ ବାଲି ଚୋରା ଚାଲାଣ ରୋକିବାକୁ ଉଦ୍ୟମ ଆରମ୍ଭ କରିଥିଲେ ।