ବରଗଡ: ସହରରେ ବ୍ୟାପକ ନିଶା କାରବାର ଚାଲିଥିବା ବେଳେ ନିଶା ବେପାରୀଙ୍କୁ କାବୁ କରିବାରେ ଫେଲ ମାରିଛି ବରଗଡ ପୋଲିସ ବିଭାଗ । ଜିଲ୍ଲାର ସୋହେଲା ରାସ୍ତାରେ ରହିଥିବା ଢାବା ଗୁଡିକରେ ବ୍ୟାପକ ବେଆଇନ କାମ ଚାଲୁଥିବା ବେଳେ ପୋଲିସ ମାସିକିଆ କୋଟା ନେଇ ଚୁପ ବସୁଛି। ଏବଂ ଏହି ଢାବା ମାନଙ୍କ ସହାୟତାରେ ଟାଉନ ଭିତରକୁ ପ୍ରବେଶ କରୁଛି ବ୍ୟାପକ ନିଶା ଦ୍ରବ୍ୟ ।
ବରଗଡରେ ଚାଲିଛି ବେଆଇନ ନିଶା କାରବାର, ନୀରବ ପୋଲିସ
ଢାବା ଆଳରେ ପ୍ରତିଦିନ ଶହ ଶହ ଟ୍ରକରୁ ଲୁହାପଥର , ଶିଷା ଓ ସ୍କ୍ରାବ ବେଆଇନ ଭାବରେ ଅନଲୋଡ କରାଯାଉଛି । ସମସ୍ତ ଢାବା ମାନଙ୍କରେ ରହିଥିବା ଗୁପ୍ତ କୋଠରୀରେ ବେଆଇନ ସାମଗ୍ରୀ ଠୁଳ କରାଯାଇଥାଏ। ଗୋଟେ ଟ୍ରିପ ହେଲେ ଟ୍ରକ ସାହାଯ୍ୟରେ ରାୟପୁରକୁ ସ୍କ୍ରାବ ପଠାଯାଇଥାଏ। ପରେ ରାୟପୁରରୁ ଓଡ଼ିଶାକୁ ସେହି ଟ୍ରକରେ କୋରେକ୍ସ ପରି ନିଶା ଦ୍ରବ୍ୟ ଆମଦାନୀ କରାଯାଇଥାଏ |