ବରଗଡ଼: ପ୍ରବଳ ବେଗରେ ରାଜ୍ୟକୁ ମାଡି ଆସୁଛି ସାମୁଦ୍ରିକ ଝଡ 'ଫନି' । ବାତ୍ୟାକୁ ନେଇ ଆଶା ଆଶଙ୍କା ସୃଷ୍ଟି ହୋଇଥିବା ବେଳେ ଅନ୍ୟ ପଟେ ତାତିରେ ସିଝୁଛି ଓଡିଶା । ବରଗଡ ଜିଲ୍ଲାରେ ଦିନକୁ ଦିନ ବଢି ଚାଲିଛି ଗ୍ରୀଷ୍ମର ପ୍ରଭାବ ଏବଂ ପାରା ୪୨ ଡିଗ୍ରୀ ଛୁଇଁଛି । ଦିନ ୧୧ଟା ପରେ ବାହାରକୁ ଯିବାକୁ ଭୟ କରିଛନ୍ତି ଲୋକେ । ବରଗଡ଼ ନଗରପାଳିକା ତରଫରୁ ବରଗଡ଼ ସହରରେ ୧୭ ଗୋଟି ସ୍ଥାନରେ ପିଇବା ପାଣିପାଇଁ ଜଳଛତ୍ରର ବ୍ୟବସ୍ଥା କରାଯାଇଛି । ମାତ୍ର ଏଥିରେ ଅନେକ ସମସ୍ୟା ରହିଛି ଫଳରେ ପିଇବା ପାଣି ମୁନ୍ଦେ ପାଇଁ ବାହାରୁ ଆସୁଥିବା ଯାତ୍ରୀମାନେ ସହରରେ ହଇରାଣ ହେଉଥିବା ଅଭିଯୋଗ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ଗୁଳୁଗୁଳି ସହିତ ଅତ୍ୟଧିକ ଗରମ ପଥିକ ମାନଙ୍କ ପାଇଁ ଚିନ୍ତାର କାରଣ ପାଲଟିଛି । ପେଟପାଟଣା ପାଇଁ ରାସ୍ତାକଡରେ ବିକ୍ରି କରୁଥିବା ଖୁଚୁରା ବେପାରୀଙ୍କ ଜୀବନଜୀବିକା ଉପରେ ମଧ୍ୟ ପଡ଼ିଛି ପ୍ରଭାବ । ବେପାରି ନିଜେ ଛତା ଧରି ଟାଣ ଖରାରେ ଦି' ପଇସା ପାଇଁ ଗ୍ରାହକର ଅପେକ୍ଷାରେ ରହିଥିବା ବେଳେ ପ୍ରବଳ ଖରାରେ ଗ୍ରାହକଙ୍କ ଦେଖା ନାହିଁ ।